Jo, eena mott to eene Jemeent jehieren, wäajen Gott well haben, daut siene Deena sellen toop veeent sennen. De Schreft sajcht: “Well wie toophoolen un ons unjarenaunda aunspornen, en goode Woakjen, Leew to bewiesen. Vonne Vesaumlungen wajch bliewen, … daut well wie nich” (Hebräa 10:24-25, PB).

 Jesus muak daut dietlich, daut siene Nofolja wudden soo aus eene ordentliche Grupp toopschaufen. Jesus säd je: “Wan jie Leew unjarenaunda haben, woat aulemaun seenen, daut jie miene Jinja sent” (Johanes 13:35, PB). Woo kunnen Christus siene Nofolja dise Leew wiesen? Na, wan dee unjarenaunda toop wieren. Doa wieren Vesaumlungen oppjestalt, wua de Nofolja Gott räajelmässich toop aunbäden un deenden (1. Korinta 16:19). Aula toop wudden dee dan eene Broodaschoft woaren, waut oppe gaunze Welt wudd sennen (1. Petrus 2:17, JHF).

Daut rieekjt nich too, bloos to eene Jemeent jehieren

 Wan de Schreft uk lieet, daut de Menschen sellen toop Gott aunbäden un deenen, lieet dee oba nich, daut een Mensch Gott aul rajcht deent, wan dee bloos to eene Jemeent jehieet. Wan Gott soonen Mensch sienen Deenst saul aunnämen, dan mott dee uk jieda Dach no sienen Gloowen no läwen. De Schreft sajcht biejlikj, woont een rajchta Gottesdeenst es. Dee sajcht: “De Weisen un Wätfrues en äare Noot besieekjen un sikj von de Welt rein hoolen, daut es een reina un ajchta Gottesdeenst ver Gott dän Voda” (Jakobus 1:27, PB).