SIGUI VIGILA!
Di Berdad Mundial di Futbol Por Uni Hende?—Kico Bijbel Ta Bisa?
Hende ta spera cu mas o menos 5 mil miyon persona lo wak Mundial di Futbol FIFA. E evento aki ta tuma luga entre 20 di november te cu 18 di december 2022. Hopi hende ta pensa cu e tipo di eventonan deportivo aki por haci hopi pa yuda e hendenan cu ta wak e eventonan aki bira mas uni.
“Deporte por cambia mundo; e por inspira hende. No tin hopi cos cu por uni hende manera deporte.”—Nelson Mandela, ex-presidente di Sur Africa.
“Futbol ... por uni hende, pasobra tur hende lo tin mesun speransa, goso, pasion y amor. Y e ta trece hende di varios cultura hunto.”—Gianni Infantino, presidente di FIFA. a
Mundial di Futbol, of cualkier otro evento deportivo, por yuda hende bira mas uni? Ta posibel pa hende ta uni y disfruta di paz?
Mundial di Futbol por uni hende?
Durante Mundial di Futbol di e aña aki, hende no a papia of pensa solamente tocante futbol. E mundial aki a pone hende papia tocante varios topico social y politico, entre otro, derecho humano, discriminacion racial y e diferencia grandi entre hende rico y pober.
Fuera di esey, hopi hende ta disfruta di wak e tipo di eventonan deportivo aki. Anto hopi di nan ta desea pa e eventonan aki yuda hende bira mas uni. Pero, en realidad, e eventonan aki no por yuda hende keda uni. Mas bien, actitud di hende y nan comportacion na e eventonan aki ta mustra bon cla con dividi e mundo aki ta. Esey ta cuadra cu e manera cu Bijbel ta describi e tempo cu nos ta biba aden, esta, “e ultimo dianan.”—2 Timoteo 3:1-5.
Tin berdadero speransa cu hende lo ta uni atrobe?
Bijbel ta duna speransa cu tur hende riba Tera por ta uni atrobe. Bijbel ta priminti cu tur hende na mundo lo ta uni bou di “e Reino di Dios,” un reino celestial.—Lucas 4:43; Mateo 6:10.
Hesucristo, e Rey di e Reino ey, lo percura pa paz reina riba Tera. Bijbel ta bisa:
“Hende husto lo ta manera mata cu ta spruit di nobo, y lo tin paz tur caminda.”—Salmo 72:7.
“Lo e libra hende pober cu ta sclama pa yudansa ... Lo e libra nan for di opresion y violencia.”—Salmo 72:12, 14.
Den nos tempo, Hesus su siñansanan ya caba a uni miyones di hende den 239 pais. Nan a siña pa stop di odia otro hende. Pa haya sa mas tocante esaki, lesa e serie di articulo cu tin e titulo: “Nos Por Vence Odio.”
a FIFA ta un abreviacion di e nomber: Fédération Internationale de Football Association. Esey ta e cuerpo gobernante internacional di futbol.
You May Also Like
PREGUNTA CU BIJBEL TA CONTESTA
Dicon Ta Asina Dificil pa Logra Paz Mundial?
E esfuersonan cu hende ta haci pa logra paz mundial a fracasa. Considera diferente motibo.
PREGUNTA CU BIJBEL TA CONTESTA
Kico Ta e Señal di “e Ultimo Dianan”, of di “e Tempo Stipula di e Fin”?
Bijbel ta papia di varios suceso cu lo yuda nos haya sa si nos ta bibando den e ultimo dianan.
MAS TOPICO
Berdadero Speransa pa un Mihor Futuro
Dicon e promesanan di Bijbel ta diferente for di e promesanan cu hende ta haci y for di loke hende ta bisa lo sosode den futuro?
E TOREN DI VIGILANCIA
E Reino di Dios
Seis aspecto di e Reino di Dios ta mustra cu nunca e Reino aki lo bira corupto.
TOCANTE NOS
Pidi un Bishita
Papia tocante un topico di Bijbel of haya sa mas tocante testigonan di Jehova.
