Conmemoracion di e Morto di Hesus
Diasabra 12 di April 2025
Un biaha pa aña, testigonan di Jehova ta conmemora e morto di Hesus manera el a bisa pa haci. Hesus a bisa: “Sigui haci esaki na mi memoria.”—Lucas 22:19.
Nos ta invita bo pa asisti na e evento aki.
Pregunta Cu Hopi Hende Sa Haci
Con largo Conmemoracion di e Morto di Hesus lo dura?
Lo e dura mas o menos un ora.
Unda lo tene e evento aki?
Bo por tuma contacto cu testigonan di Jehova pa mas detaye.
Mester paga pa entrada?
No.
Ta pasa collect?
No.
Con bo mester bisti?
No ta necesario pa bo bisti na un manera special, pero testigonan di Jehova ta haci esfuerso pa sigui Bijbel su conseho pa bisti na un manera digno y modesto. (1 Timoteo 2:9) No ta necesario pa bo bisti paña caro of mucho formal.
Kico bo por spera na e Conmemoracion?
E reunion lo cuminsa y caba cu un cantica y un testigo di Jehova lo haci oracion. Lo tin un discurso basa riba Bijbel cu lo mustra dicon Hesus mester a muri y con nos por beneficia di loke Dios y Cristo a haci pa nos.
Pa mas informacion, wak e articulo “Dicon Testigonan di Jehova Ta Celebra e Cena di Señor Diferente for di Otro Religion?”
Ki fecha lo tene e siguiente Conmemoracionnan?
2025: Diasabra 12 di April
2026: Diahuebs 2 di April
You May Also Like
MEMORIAL
Dicon Recorda e Morto di Hesus?
Testigonan di Jehova ta invita bo pa bo reuni cu nan pa e ocasion tan importante aki. Lo bo haya sa con e bida y morto di Hesus por beneficia bo.
ESSENTIAL BIBLE TEACHINGS
Dicon Hesus A Muri?
Bijbel ta duna hopi importancia na e morto di Hesus. Su morto tabatin un proposito?