Nos planeta ta ideal pa sostene bida. Tin mas cu suficiente awa riba Tera, loke ta importante pa bida por ta posibel. E echo cu Tera ta draai rond di su as den un posicion schuin segun cu e ta dal buelta rond di solo ta evita cu lama ta vries of keinta di mas y evapora. Ademas, Tera su atmosfera y forsa magnetico ta proteh’e contra radiacion mortal. Y e manera con mata y bestia ta depende di otro ta fascinante. Esaki ta haci nos planeta adecuado pa sostene bida. Pesey hopi hende a yega na e conclusion cu nos planeta a ser diseña cu un proposito.—Lesa Isaias 45:18.

Pero, kisas bo ta puntra bo mes, sufrimento y inhusticia tambe ta parti di e proposito ey?—Lesa Deuteronomio 32:4, 5.

Dios a crea Tera pa hende cu ta respeta otro y cu ta stim’E biba den un ambiente agradabel. Pues, bida humano tin un proposito mas eleva cu e bida di mata y bestia. Nos por compronde ken nos Creador ta y nos ta admira y imita su amor y husticia.—Lesa Eclesiastes 12:13; Mikeas 6:8.

Nos Creador por cumpli cu tur loke e pone su mes pa haci. Pesey, nos por ta sigur cu e lo caba cu maldad y sufrimento y haci nos planeta un luga perfecto y agradabel pa humanidad.—Lesa Salmo 37:11, 29; Isaias 55:11.