JW LIBRARY
Koloran Iray Salita—iOS
Legan mon babasaen tan aaralen iray publikasyon diad JW Library, sarag mon koloran iray salita odino grupo na salita.
Tumboken irayan instruksion pian koloran iray salita:
Mangiyan na Kolor
Walay duaran paraan pian nakoloran iray salita odino grupo na salita.
Pindoten ya mabayag so labay mon koloran. Sarag mon usaren iray handle pian iyadjust so labay mon koloran. Diad context menu, pindoten so Highlight button; insan pilien so kolor ya labay mo.
Pian nakoloran a tampol so salita o grupo na salita, pindoten, insan i-drag. Legan mo ida-drag, nakoloran la itan. Kayarim et ompaway a magano so context menu. Sarag mon usaren iyan menu pian salatan odino ekalen so kolor.
Salatan so Kolor
Pian nasalatan so kolor, pindoten so akoloran; insan manpili na balon kolor. Pian ekalen so kolor, pindoten so akoloran; insan pindoten so Delete button.
Sarayan feature et in-release nen Nobyembre 2015 kaibad JW Library 1.6, ya compatible ed iOS 7.0 odino ed mas balon bersion. No agmo nanengneng irayan feature, tumboken iray instruksion diad artikulon “Gapoan ya Usaren so JW Library—Android,” ya walad Sankabaloan Iran Feature.
