JW LIBRARY
Pan-download tan Pangusar ed Saray Biblia—Android
Say pambasa tan panaral na Biblia so sakey ya manunan feature na JW Library.
Tumboken irayan instruksion parad pan-download tan pangusar ed saray Biblia:
Man-download na Biblia
Sarag moy man-download na saray translation na Biblia ya basaen tan aralen mo offline.
Lukasan so navigation drawer, tan pindoten so Bible pian nanengneng iray libro na Biblia.
Pindoten so Languages button pian nanengneng iray available ya Biblia. Saray translation ed lenguahe ya lanang mon uusaren et walad unaan. No labay moy man-search na lenguahe o translation na Biblia, i-type itan. Singa bilang, i-type moy “int” pian naromog mo so Kingdom Interlinear diad English odino “port” pian naromog mo so amin ya Biblia ed Portuguese.
Saray Biblia ya agni ni-download et walaan na cloud icon. Pindoten so Biblia pian ni-download itan. No in-download mo la itan ed gadyet mo, naandi so cloud icon. Pindoten lamet so Biblia pian nabasam itan.
No agmo nanengneng so translation na Biblia ya labay mo, i-check mo lamet diad ontumbok. Wala ni ray translation ya iyarum no available la iratan.
I-delete so Biblia
Sarag mon i-delete so sakey ya translation na Biblia no agmo la itan kailangan odino pian naaruman so storage space mo.
Lukasan so navigation drawer tan pindoten so Bible, insan pindoten so Languages button pian nanengneng iray available ya Biblia. Pindoten so More button diad abay na Biblia ya labay mon i-delete, insan pindoten so Delete.
I-update so Biblia
No maminsan, walay update ed sakey ya Biblia ya in-download mo.
Nanengneng so refresh icon ed Biblia ya walay update to. No pindoten mo so Biblia, walay nabasam ya message ya in-update itan. Pindoten so Download pian na-update, o pindoten so Later pian basaen so datin in-download mo.
Sarayan feature et in-release nen Pebrero 2015 kaibad JW Library 1.4, ya compatible ed Android 2.3 odino ed mas balon bersion. No agmo nanengneng irayan feature, tumboken iray instruksion diad artikulon “Gapoan ya Usaren so JW Library—Android,” ya walad Sankabaloan Iran Feature.
