Ngamathathakusa ngoFebherbari 24, 2022, iRussia yathoma ukuhlasela i-Ukraine, naphezu kwemizamo yabadosiphambili beenarha ezinengi yokuvimbela bona kungabi nepi. Ipi le ingaba thinta njani abantu? Unobhala zombelele wehlangano yeenTjhaba eziBumbeneko, u-António Guterres, watjho amezwi naka emalangeni adlulileko: “Kubudisi nokucabanga bona ungangani umonakalo ozokulethwa yihlanga hlangano le, nendlela ezokuthikazisa ngayo ukuphepha kwezinye iinarha ze-Europe nakilo loke iphasi.”

•   UJesu Krestu wabikezela ukuthi kuzokuba nesikhathi lapho “isitjhaba sizokulwa nesitjhaba umbuso ulwe nombuso.” (Matewu 24:7) Funda isihloko esithi, “Siyini Isibonakaliso ‘Sezinsuku Zokugcina’ Noma ‘Ukuphela’?” ubone ukuthi izipi ezikhona namhlanjesi zisizalisa njani isiphorofido sakaJesu.

•   Incwadi yesAmbulo ifanisa ipi nomkhweli ‘wenjomani enombala onjengomlilo’ begodu ‘ususa ukuthula ephasini. (IsAmbulo 6:4) Funda isihloko esithi, “Abakhweli Beenjomani Ezine—Babobani?” ubone ukuthi isiphorofidwesi sihlangana njani nezipi ezikhona namhlanjesi.

•   Incwadi kaDanyela yabikezela umbango hlangana ‘kwekosi yeTlhagwini’ ‘nekosi yeSewula.’ (Danyela 11:25-45) Bukela ividiyo ethi, Isiprofetho Esigcwalisekile—Daniyeli ISahluko 11 ubone ukuthi kubayini kuthiwa iRussia nabasekeli bayo bayikosi yeTlhagwini. a

•   ● Incwadi yesAmbulo ibuye godu ikhulume ‘ngepi yelanga elikhulu lakaZimu uMninimandla woke.’ (IsAmbulo 16:14, 16) Kodwana le akusiyo ipi ehlangana neentjhaba njenga le esiyibona namhlanjesi. Funda isihloko esithi, “Iyini Impi Ye-Armagedoni?” bona ufumane imininingwana engeziweko ngepi ezako le.

•   IBhayibheli lithi uZimu ‘uzokuthulisa izipi ephasini loke’ (IRhubo 46:10) Funda isihloko esithi, “A Real Hope for a Better Tomorrow” bona ufumane okwengeziweko ngengomuso uZimu asithembisa lona.

•   UJesu wafundisa abalandeli bakhe ukuthi bathandazele umBuso kaZimu bona uze ephasini. (Matewu 6:9, 10) UmBuso lo ngurhulumende wezulwini uzokufeza intando kaZimu ngephasi, intando kaZimu ihlanganisa nokuthi kube nokuthula ephasini loke. Bona ufunde ngokuthi umBuso lo uzokuzuzisa njani, bukela ividiyo ethi, Uyini UmBuso KaZimu?

 Bangaphezu kwe-129 000 aboFakazi bakaJehova abahlala e-Ukraine. Njengabanye aboFakazi abahlala kwezinye iinarha nabo balingisa uJesu ngokungathathi hlangathi kwezepolotiki nangokungazibandakanyi epini. (Jwanisi 18:36) AboFakazi bakaJehova batjhumayela ‘iindaba ezimnandi zomBuso’ ephasini loke, ezisisombululo semiraro yabantu okuhlanganisa nepi. (Matewu 24:14) Sibawa usithinte bona ufunde okwengeziweko ngethemba lengomuso eliseBhayibhelini.