ကမ္ဘာ့လူဦးရေ လေးပုံသုံးပုံကျော်ဟာ တရားဝင်ဥပဒေကြောင့် ဒါမှမဟုတ် လူမှုရေးမုန်းတီးမှုကြောင့် ဘာသာရေးကို ကန့်သတ်ချုပ်ချယ်ထားတဲ့နိုင်ငံတွေမှာ နေထိုင်ကြတယ်။ မကြာသေးမီ ငါးနှစ်တာကာလအတွင်းမှာ လူနည်းစုသာရှိတဲ့ဘာသာတွေကိုမတရားဖိနှိပ်တဲ့နိုင်ငံ အရေအတွက်ဟာ နှစ်ဆနီးပါးများလာတယ်။

စဉ်းစားစရာ– ဘယ်အကြောင်းရင်းတွေကြောင့် တချို့သူတွေဟာ ဘာသာတရားမရှိကြတော့တာလဲ။—မဿဲ ၂၃:၂၇၊ ၂၈; ယောဟန် ၁၅:၁၉။

မကြာသေးခင်ကဖြစ်ခဲ့တဲ့ အကြမ်းဖက်မှုတွေဟာ “ဘာသာရေးကို အသုံးချပြီး” လုပ်ခဲ့တာဖြစ်တယ်။ “ဒီရာစုနှစ်မှာတိုက်တဲ့စစ်ပွဲတွေက ၂၀ ရာစုနှစ်ကလို နိုင်ငံရေး သဘောထားကွဲလွဲမှုတွေကြောင့် မဟုတ်တော့ဘဲ ယဉ်ကျေးမှုမတူလို့၊ ဘာသာမတူလို့ တိုက်တဲ့စစ်တွေ ဖြစ်နေတယ်” လို့ သတင်းစာတစ်စောင် (Observer) မှာ ဝန်ကြီးချုပ်ဟောင်း တိုနီဘလဲ ရေးသားဖော်ပြတယ်။

စဉ်းစားစရာ– ဘာသာရေးက ဘာကြောင့် ဒီလောက်တောင် စိတ်ဝမ်းကွဲပြားစေရတာလဲ။—မာကု ၇:၆-၈။

ဩစတြေးလျ အစိုးရစစ်တမ်းကောက်ချက်အရ ၅ ယောက်မှာ ၁ ယောက်က ဘာသာတရားမရှိဘူးလို့ သိရတယ်။ “ဘာသာဝင်ဖြစ်ရင်တောင် ဘာသာရေးကိစ္စတွေ မလုပ်ကြဘူး။” ဘာသာရေးကိစ္စတွေမှာ တက်တက်ကြွကြွ ပါဝင်နေကြတဲ့သူတွေထဲမှာ အမျိုးသား ၁၅ ရာခိုင်နှုန်း၊ အမျိုးသမီး ၂၂ ရာခိုင်နှုန်းပဲ ရှိတယ်။

စဉ်းစားစရာ– ယနေ့ခေတ် ဘာသာရေးအဖွဲ့အစည်းအများစုကလူတွေမှာ ဘယ်လိုမကောင်းတဲ့အရည်အသွေးတွေ ထင်ရှားနေသလဲ။—မဿဲ ၇:၁၅-၂၀။