ലോക​മെ​ങ്ങു​മു​ള്ള യഹോ​വ​യു​ടെ സാക്ഷി​കൾക്ക്‌ മാർഗ​നിർദേ​ശം നൽകാ​നാ​യി പ്രവർത്തി​ക്കു​ന്ന പക്വത​യു​ള്ള ക്രിസ്‌ത്യാ​നി​ക​ളു​ടെ ഒരു ചെറിയ കൂട്ടമാണ്‌ ഭരണസം​ഘം. അവരുടെ വേലയ്‌ക്ക്‌ രണ്ടു വശങ്ങളുണ്ട്‌:

•   പ്രസി​ദ്ധീ​ക​ര​ണ​ങ്ങൾ, യോഗങ്ങൾ, യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള സ്‌കൂ​ളു​കൾ, എന്നിവ​യി​ലൂ​ടെ തയാറാ​ക്കു​ന്ന ബൈബി​ള​ധി​ഷ്‌ഠി​ത മാർഗ​നിർദേ​ശ​ങ്ങൾക്ക്‌ മേൽനോ​ട്ടം വഹിക്കു​ന്നു.—ലൂക്കോസ്‌ 12:42.

•   അവർ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പ​ക​വേ​ല​യ്‌ക്ക്‌ നേതൃ​ത്വം വഹിക്കു​ന്നു. അതിൽ പരസ്യ​ശു​ശ്രൂ​ഷ​യ്‌ക്കു​വേണ്ട നിർദേ​ശ​ങ്ങൾ നൽകു​ന്ന​തും സംഭാ​വ​ന​യാ​യി കിട്ടുന്ന ആസ്‌തി​കൾ കൈകാ​ര്യം ചെയ്യു​ന്ന​തും ഉൾപ്പെ​ടു​ന്നു.

 ഒന്നാം നൂറ്റാ​ണ്ടിൽ ‘യെരു​ശ​ലേ​മി​ലു​ണ്ടാ​യി​രുന്ന അപ്പൊ​സ്‌ത​ല​ന്മാ​രു​ടെ​യും മൂപ്പന്മാ​രു​ടെ​യും’ അതേ മാതൃ​ക​യി​ലാണ്‌ ഭരണസം​ഘം ഇന്ന്‌ പ്രവർത്തി​ക്കു​ന്നത്‌. അന്നുണ്ടാ​യി​രു​ന്ന എല്ലാ സഭകൾക്കും​വേ​ണ്ടി പ്രധാ​ന​പ്പെട്ട തീരു​മാ​ന​ങ്ങൾ എടുത്തി​രു​ന്നത്‌ അവരാണ്‌. (പ്രവൃത്തികൾ 15:2) ആ വിശ്വ​സ്‌ത​പു​രു​ഷ​ന്മാ​രെ​പ്പോ​ലെ​തന്നെ ഭരണസം​ഘ​ത്തി​ലെ അംഗങ്ങ​ളും ഞങ്ങളുടെ സംഘട​ന​യു​ടെ നേതാ​ക്ക​ന്മാ​രല്ല. ക്രിസ്‌തീ​യ​സ​ഭ​യു​ടെ നേതാ​വാ​യി, യഹോവ യേശു​വി​നെ​യാണ്‌ നിയമി​ച്ചി​രി​ക്കു​ന്ന​തെന്ന്‌ അവർ മനസ്സി​ലാ​ക്കു​ന്നു. അതു​കൊണ്ട്‌ അവർ നിർദേ​ശ​ങ്ങൾക്കാ​യി ബൈബി​ളി​ലേ​ക്കു നോക്കു​ന്നു.—1 കൊരി​ന്ത്യർ 11:3; എഫെസ്യർ 5:23.

 ഭരണസംഘത്തിലെ അംഗങ്ങൾ കെന്നത്ത്‌ കുക്ക്‌, ജൂനിയർ, ഗേജ്‌ ഫ്ലീഗിൾ, സാമു​വെൽ ഹെർഡ്‌, ജഫ്രി ജാക്‌സൺ, സ്റ്റീഫൻ ലെറ്റ്‌, ഗെരിറ്റ്‌ ലോഷ്‌, മാർക്ക്‌ സാൻഡെ​ഴ്‌സൺ, ഡേവിഡ്‌ സ്‌പ്ലെ​യ്‌ൻ, ജഫ്രി വിൻഡർ എന്നിവരാണ്‌. അവർ യു.എസ്‌.എ.-യിൽ ന്യൂ​യോർക്കി​ലെ വാർ​വിക്കി​ലു​ള്ള ലോകാ​സ്ഥാ​ന​ത്താണ്‌ സേവി​ക്കു​ന്നത്‌.

 വേലയു​ടെ വ്യത്യ​സ്‌ത​പ്ര​വർത്ത​ന​ങ്ങൾക്ക്‌ മേൽനോ​ട്ടം വഹിക്കാൻ ഭരണസം​ഘം ആറ്‌ കമ്മിറ്റി​കൾ രൂപീ​ക​രി​ച്ചി​ട്ടുണ്ട്‌. ഭരണസം​ഘ​ത്തി​ലെ ഓരോ അംഗവും ഒന്നോ അതില​ധി​ക​മോ കമ്മിറ്റി​ക​ളിൽ സേവി​ക്കു​ന്നു.

•   കോ-ഓർഡി​നേ​റ്റേ​ഴ്‌സ്‌ കമ്മിറ്റി: നിയമ​പ​ര​മാ​യ കാര്യങ്ങൾ കൈകാ​ര്യം ചെയ്യുന്നു, ദുരന്ത​ങ്ങ​ളു​ണ്ടാ​കു​മ്പോൾ സഹായം നൽകാൻ നേതൃ​ത്വ​മെ​ടു​ക്കു​ന്നു, തങ്ങളുടെ മതപര​മാ​യ വിശ്വാ​സ​ങ്ങൾ നിമിത്തം ഉപദ്ര​വ​ങ്ങൾ നേരി​ടു​ന്ന​വ​രെ സഹായി​ക്കു​ന്നു, യഹോ​വ​യു​ടെ സാക്ഷി​ക​ളെ ബാധി​ക്കു​ന്ന മറ്റ്‌ അടിയ​ന്തി​ര സാഹച​ര്യ​ങ്ങൾ കൈകാ​ര്യം ചെയ്യുന്നു.

•   പേഴ്‌സ​ണൽ കമ്മിറ്റി: ബെഥേൽ കുടും​ബാം​ഗ​ങ്ങ​ളു​ടെ ആവശ്യങ്ങൾ ക്രമീ​ക​രി​ക്കു​ന്ന​തിന്‌ നേതൃ​ത്വം കൊടു​ക്കു​ന്നു.

•   പബ്ലിഷിങ്‌ കമ്മിറ്റി: ബൈബി​ള​ധി​ഷ്‌ഠി​ത പ്രസി​ദ്ധീ​ക​ര​ണ​ങ്ങ​ളു​ടെ ഉത്‌പാ​ദ​നം, കയറ്റി അയയ്‌ക്കൽ, യോഗ​സ്ഥ​ല​ങ്ങ​ളു​ടെ​യും പരിഭാ​ഷാ കേന്ദ്ര​ങ്ങ​ളു​ടെ​യും ബ്രാഞ്ച്‌ സൗകര്യ​ങ്ങ​ളു​ടെ​യും നിർമാ​ണം എന്നിവ​യ്‌ക്ക്‌ മേൽനോ​ട്ടം വഹിക്കു​ന്നു.

•   സർവീസ്‌ കമ്മിറ്റി: “രാജ്യ​ത്തി​ന്റെ ... സുവി​ശേ​ഷം” പ്രസം​ഗി​ക്കാ​നു​ള്ള വേലയ്‌ക്ക്‌ നേതൃ​ത്വം കൊടു​ക്കു​ന്നു.—മത്തായി 24:14.

•   ടീച്ചിങ്‌ കമ്മിറ്റി: യോഗങ്ങൾ, സ്‌കൂ​ളു​കൾ, ഓഡി​യോ വീഡി​യോ പരിപാ​ടി​കൾ എന്നിവ​യി​ലൂ​ടെ നൽകുന്ന ആത്മീയ​വി​വ​ര​ങ്ങൾ തയാറാ​ക്കു​ന്ന​തിന്‌ നേതൃ​ത്വം നൽകുന്നു.

•   റൈറ്റിങ്‌ കമ്മിറ്റി: അച്ചടിച്ച രൂപത്തി​ലും വെബ്‌​സൈ​റ്റി​ലും വരുന്ന ആത്മീയ​വി​വ​ര​ങ്ങൾ തയാറാ​ക്കു​ന്ന​തി​ന്റെ ചുമതല വഹിക്കു​ന്നു. പരിഭാ​ഷാ വേലയ്‌ക്കും നേതൃ​ത്വം കൊടു​ക്കു​ന്നു.

 ഈ കമ്മിറ്റി​ക​ളി​ലെ ജോലി​കൾക്കു പുറമേ, സംഘട​ന​യു​ടെ ആവശ്യങ്ങൾ പരിഗ​ണി​ക്കാ​നാ​യി ഭരണസം​ഘം ഓരോ ആഴ്‌ച​യും കൂടി​വ​രും. ഈ യോഗ​ങ്ങ​ളിൽ ഭരണസം​ഘ​ത്തി​ലെ അംഗങ്ങൾ തിരു​വെ​ഴു​ത്തു​കൾ എന്തു പറയുന്നു എന്ന്‌ ചർച്ച ചെയ്യു​ക​യും തങ്ങളെ നയിക്കാ​നാ​യി ദൈവാ​ത്മാ​വി​നെ അനുവ​ദി​ക്കു​ക​യും ചെയ്യുന്നു. അങ്ങനെ ഏകകണ്‌ഠ​മാ​യ തീരു​മാ​ന​ങ്ങ​ളെ​ടു​ക്കാൻ അവർക്കു കഴിയു​ന്നു.—പ്രവൃത്തികൾ 15:26.

 ഭരണസം​ഘ​ത്തി​ലെ അംഗങ്ങളെ സഹായി​ക്കു​ന്ന വിശ്വ​സ്‌ത​രാ​യ ക്രിസ്‌ത്യാ​നി​ക​ളാണ്‌ ഇവർ. (1 കൊരി​ന്ത്യർ 4:2) അവർ സേവി​ക്കു​ന്ന കമ്മിറ്റി​ക​ളിൽ അവരുടെ പ്രാപ്‌തി​ക​ളും അനുഭ​വ​പ​രി​ച​യ​വും പ്രയോ​ജ​ന​പ്പെ​ടു​ത്തു​ന്നു. കമ്മിറ്റി​ക​ളു​ടെ ആഴ്‌ച​തോ​റു​മു​ള്ള യോഗ​ങ്ങ​ളി​ലും അവർ സംബന്ധി​ക്കു​ന്നു. തീരു​മാ​ന​ങ്ങ​ളെ​ടു​ക്കു​ന്ന​തിൽ പങ്കി​ല്ലെ​ങ്കി​ലും, അവർ വില​യേ​റി​യ നിർദേ​ശ​ങ്ങ​ളും പശ്ചാത്ത​ല​വി​വ​ര​ങ്ങ​ളും നൽകുന്നു, കമ്മിറ്റി​യു​ടെ തീരു​മാ​ന​ങ്ങൾ നടപ്പി​ലാ​ക്കു​ന്നു, അതിന്റെ പുരോ​ഗ​തി​ക​ളും ഫലങ്ങളും പരി​ശോ​ധി​ക്കു​ന്നു. ലോക​ത്തി​ന്റെ വ്യത്യ​സ്‌ത​ഭാ​ഗ​ങ്ങ​ളി​ലുള്ള സഹോ​ദ​ര​കു​ടും​ബ​ത്തെ സന്ദർശി​ക്കാൻ ഭരണസം​ഘം ഈ സഹായി​ക​ളെ നിയമി​ക്കാ​റുണ്ട്‌. വാർഷി​ക​യോ​ഗ​ങ്ങ​ളി​ലും ഗിലെ​യാദ്‌ ബിരു​ദ​ദാ​ന പരിപാ​ടി​ക​ളി​ലും ചില ഭാഗങ്ങൾ ഇവർ നടത്താ​റുണ്ട്‌.