Јеховините сведоци нудат интерактивен библиски курс преку кој можеш да дознаеш каков одговор дава Библијата на некои важни прашања, како што се:

•   Како да имаш среќен живот?

•   Како да станеш пријател со Бог?

•   Што вели Библијата за иднината?

Овде ќе дознаеш:

•  Како изгледа библискиот курс?

•  Колку чини библискиот курс?

•  Колку долго трае курсот?

•  Како да се пријавам за курсот?

•  Дали може прво да видам како изгледа курсот?

•  Ако прифатам библиски курс, ќе морам ли да станам Јеховин сведок?

•  Можам ли да користам своја Библија?

•  Можам ли да поканам и некој друг на курсот?

•  Ако веќе сум ја проучувал Библијата со Јеховините сведоци, дали можам повторно да проучувам?

•  Дали постои можност самиот да ја проучувам Библијата, без помош на некој друг?

 Некој Јеховин сведок ќе ти помогне подобро да се запознаеш со Библијата, така што ќе обработувате тема по тема. Со помош на прирачникот Радувај му се на животот засекогаш ќе можеш постепено да дознаеш што учи Библијата и како таа може да ти помогне. За повеќе информации, гледај го следниот видеоклип.

 Курсот е бесплатен. Јеховините сведоци се послушни на зборовите што Исус им ги кажал на своите ученици: „Бесплатно добивте, бесплатно давајте“ (Матеј 10:8). Освен тоа, бесплатни се и публикациите што се користат на курсот — Библијата и прирачникот Радувај му се на животот засекогаш.

 Курсот се состои од вкупно 60 лекции. Од тебе зависи со кое темпо ќе ги обработувате лекциите. На повеќето од оние што проучуваат им одговара да поминат по една или повеќе лекции седмично.

1.  1. Пополни го онлајн формуларот. Твоите лични податоци ќе ги употребиме само за да го исполниме твоето барање некој Јеховин сведок да стапи во контакт со тебе.

2.  2. Некој Јеховин сведок ќе стапи во контакт со тебе. Тој ќе ти објасни нешто повеќе во врска со интерактивниот библиски курс и ќе ти даде одговор на прашањата кои можеби ги имаш.

3.  3. Ти и оној што ќе проучува со тебе ќе се договорите за деталите. Може да се договорите дали ќе се најдете лично за да проучувате или, пак, дали ќе го одржувате курсот преку телефон, видеоповик, писма или имејл. Проучувањето обично трае околу еден час, но може да биде пократко или подолго во зависност од тоа како тебе најмногу ти одговара.

 Да. За таа цел, пополни го онлајн формуларот. Кога некој Јеховин сведок ќе стапи во контакт со тебе, кажи му дека првин сакаш да го пробаш курсот за да видиш дали ќе ти се допадне. Тој ќе ја користи брошурата Радувај му се на животот засекогаш, која ги содржи трите воведни лекции од курсот. На темел на тоа ќе можеш да процениш дали ќе сакаш да продолжиш да проучуваш.

 Не. Како Јеховини сведоци, ние сакаме да ги поучуваме другите за Библијата, но на никого не му вршиме притисок да ја прифати нашата религија. Напротив, со почит им објаснуваме на луѓето што вели Библијата, имајќи на ум дека секој има право да избере во што ќе верува (1. Петрово 3:15).

 Да, можеш да го користиш кој и да било превод на Библијата. Ние го користиме преводот Нов свет, кој е точен и лесен за разбирање. Но, свесни сме дека многу луѓе повеќе сакаат да користат превод на Библијата кој веќе им е познат.

 Да. На курсот може да присуствуваат членовите на твоето семејство или кој и да било пријател што ќе го поканиш.

 Да. Всушност, сега повеќе ќе уживаш во библискиот курс бидејќи е приспособен за да одговара на потребите на луѓето во денешно време. За разлика од порано, овој библиски курс е поинтерактивен и има многу повеќе видеосодржини.

 Да. Иако повеќето од оние што ја проучуваат Библијата извлекуваат најголема корист кога некој им помага во тоа, сепак некои повеќе сакаат да почнат сами да проучуваат. Во делот Помош за проучување на Библијата се наведени бесплатни содржини и алатки за истражување кои можат да ти помогнат сам да ја проучуваш Библијата. Еве некои од нив:

•   Онлајн библиски курс (на англиски и на некои други јазици). Овој интерактивен курс содржи лекции во кои се наоѓа одговорот на некои од најважните животни прашања, како што се: Кој е Бог? Зошто има зло и страдања? Дали Бог некогаш ќе им стави крај на страдањата?

•   Библиски видеоклипови. Во овие кратки видеоклипови се објаснети некои основни библиски учења.

•   Одговор на библиски прашања. Во овие статии има одговор на многу прашања поврзани со Библијата.

• Библиски атлас. Во оваа публикација има мапи и табели од различни места кои се спомнуваат во Библијата и тоа во различни временски периоди.