Осаменоста, сѐ поголем проблем — што вели Библијата?
Според еден неодамнешен глобален извештај, a секој четврти човек се чувствува осамено.
„Социјалната изолација може да влијае на секого и не познава ниту возраст ниту граници“ (Чидо Мпемба, ко-претседател на Комисијата за социјални врски при Светската здравствена организација).
Некои мислат дека осаменоста ги погодува само постарите луѓе и оние што се сами. Но, осамено може да се чувствуваат и оние кои се млади, здрави, успешни и во брак. Социјалната изолација и осаменоста можат сериозно да влијаат врз физичкото и емоционалното здравје на луѓето.
„Осаменоста е многу повеќе од само лошо чувство“, рекол д-р Вивек Мурти, генерален хирург на САД. Тој додава: „Осаменоста може да предизвика толкава смртност колку и пушењето 15 цигари дневно“.
Што вели Библијата
Нашиот Творец не сака да бидеме изолирани од другите. Божјата намера отсекогаш била луѓето да уживаат во добро и пријатно друштво.
Библиско начело: „Бог рече: ’Не е добро човекот да биде сам‘“ (1. Мојсеева 2:18).
Бог сака да станеме пријатели со него. Тој ветува дека ќе биде близок со нас доколку ние вложиме труд да станеме блиски со него (Јаков 4:8).
Библиско начело: „Среќни се оние што настојуваат да ги задоволат своите духовни потреби, зашто нивно е царството небесно“ (Матеј 5:3).
Бог сака да го обожаваме него заедно со други луѓе. Кога го правиме тоа, се чувствуваме посреќно.
Библиско начело: „Да размислуваме еден за друг за да се поттикнуваме кон љубов и кон добри дела, и да не ги пропуштаме нашите состаноци... туку да се храбриме еден со друг“ (Евреите 10:24, 25).
Нешто повеќе за тоа зошто е важно да се бориме против осаменоста, можеш да прочиташ во статијата „Осаменост во свет на масовна комуникација“.
a The Global State of Social Connections, by Meta and Gallup, 2023.