Bible udi umvuija mudi Armagedone kayi mvita ya tshitupa kampanda tshia buloba, kadi mvita yenzeka pa buloba bujima pankatshi pa mbulamatadi yonso ya bantu ne Nzambi.

•   ‘Mêyi mamba ku nyuma wa bademon . . . adi aya kudi bakalenge ba pa buloba bujima budi bantu basombele, bua kubasangisha pamue ku mvita ya dituku dinene dia Nzambi Wa Bukole Buonso. Akabasangisha pamue muaba udibu babikila mu tshiena Ebelu ne: Armagedone.’​—Buakabuluibua 16:14, 16.

 Muaku “Armagedone” mmufumine ku muaku wa mu tshiena Ebelu wa Har Meghid·dohnʹ, udi umvuija “Mukuna wa Megido.” Megido uvua tshimenga tshimenga tshia mu Isalele wa kale. Ke bualu kayi bamue bantu badi bela meji ne: mvita ya Armagedone neyenzekele mu ditunga dia Israël. Nansha nanku, kakuena muaba mukumbane ni mu tshimenga tshia Megido, anyi muaba mukuabu mu matunga a mu Moyen-Orient udi “bakalenge ba pa buloba bujima budi bantu basombele” ne biluilu biabu mua kudisangishila pamue to.

 Bavua bafunde mukanda wa Buakabuluibua “mu bimanyinu,” anyi mu ngakuilu wa mu tshimfuanyi. (Buakabuluibua 1:1) Armagedone kena uleja muaba wetu muena dîna eu to, kadi mvita ya ndekelu ya buloba bujima ikala matunga onso mua kudisangisha bua kuluisha bukokeshi bua Nzambi.​—Buakabuluibua 19:11-16, 19-21.