DILONGA DIA BIBLE DIA ULONGA NE MULONGESHI
Shala ne muoyo kashidi!
Mu dilonga dia Bible dia nuenda nuyukila kuyi ufuta edi, neumanye mandamuna a nkonko bu mudi:
Mmunyi mundi mua kupetaku panyi disanka?
Makenga ne malu mabi nebijikaku dimue dituku anyi?
Ngadia kumonaku kabidi banyi bankadi mufuishe anyi?
Nzambi utuku untabalela anyi?
Ndi mua kusambila mushindu kayi bua Nzambi kunteleja?
Kuyi ufuta
Neulonde programe wa dilonga eu yonso mujima kuyi ufuta to, upeta ne mukanda wa kulonga nawu wa Shala ne muoyo kashidi! pamue ne Bible biwikala nende dijinga.
Muaba ne dîba diudi musue
Nenupetangane ne mulongeshi mpala ne mpala anyi ku biamu, dîba ne muaba uudi musue.
Kuena muenzejibue to
Udi mua kuimanyika dilonga dîba diudi musue kakuyi dibanza.
Dilonga dietu dia Bible ditu dienzeka mushindu kayi?
Muntu yeye ukulongesha, neakuambuluishe bua umanye tshidi Bible ulongesha bualu ku bumue ku bumue. Panualonga Bible nuenda nuyukila mu mukanda wa Shala ne muoyo kashidi!, newende umanya malu adi Bible umanyisha bantu ne muikalawu mua kukuambuluisha. Bua kumanya malu makuabu, tangila filme eu, anyi konkonona nkonko itu bantu batamba kuela bua programe wa dilonga eu.
Udi musue bakutapile kadiosha anyi?
Tapabi dîsu mu malongesha a kubanga nawu dilonga edi.
Udi musue kuanji kutetaku anyi?
Tuaku kaba aka bua uditekele programe wa didilongela diebe dia Bible dia kumpala.