Mu mbingu mikese kumpala eku, nebenze masungulangana mu matunga a bungi a pa buloba bujima. Bantu nebangate mapangadika manene a bamfumu basungulabu.

 Ntshinyi tshidi Bible wamba?

 Bible udi uleja mikalu idi nayi bamfumu ba panu bonso.

•    “Kueyemenyi bakokeshi anyi muana wa muntu udi kayi mua kufila lupandu. Mupuya wende udi upatuka, yeye udi upingana ku buloba; mu dituku dine adi, meji adiye wela adi ajimina.”​—Misambu 146:3, 4.

 Nansha bamfumu badi bakumbane menemene nebafue ndekelu wa bionso. Bualu bukuabu, ki mbajadike ne: midimu yabu yonso mimpe nebatungunuke ne kuyenza kudi babapinganyina mu nkuasa to.​—Muambi 2:18, 19.

 Bulelela budi ne: Bible udi uleja ne: bantu kabavua bafukibue bua badilombole nkayabu to.

•    “Muntu udi wenda eu kena ne bukokeshi bua kuludika nansha dikasa diende to.”​—Yelemiya 10:23.

 Kudiku muntu udi mua kulombola bimpe lelu anyi?

 Bible udi umvuija ne: Nzambi mmusungule Yezu Kristo, mfumu udi mukumbane tshishiki ne wa kueyemena. (Misambu 2:6) Yezu ke Mukalenge wa Bukalenge bua Nzambi, mbulamatadi udi ukokesha mu diulu.​—Matayi 6:10.

 Neusungule bua kuitaba bumfumu bua Yezu anyi? Bible udi uleja mushinga udi nawu disungula adi ne:

•    “Nemekayi muana [Yezu Kristo], tshianana Nzambi neafiike munda, ne nenujimine mu njila, bualu tshiji Tshiende tshidi tshibanda lukasa. Bonso badi banyemena kudiye mba diakalenga.”​—Misambu 2:12.

 Etshi ke tshikondo tshia wewe kudiangatshila dipangadika. Mêyi a buprofete adi aleja ne: Yezu wakatuadija kukokesha mu 1914 ne mu katupa kîpi emu Bukalenge bua Nzambi nebupingane pa muaba wa mbulamatadi yonso ya bana ba bantu.​—Danyele 2:44.

 Bua kumanya malu makuabu a muudi mua kutua bumfumu bua Yezu mpanda, bala tshiena-bualu tshia “Sungula bua kutua Bukalenge bua Nzambi mpanda mpindieu!”