2/9/2020, * kabadi ka Berezovsky ka mu Kemerovo

Bidimu 6 ne tshitupa mu buloko

Sergueï Britvin

• Mulela: mu 1965 (mu Kemerovo)

• Malu a mu nsombelu: Munkatshi mua makumi a bidimu uvua muendeshi wa katumba ne mashinyi manene. Bu muvuaye ne lutatu lua tusamasama, wakangata pansio kumpala kua dîba. Utu munange manaya a dibidija mubidi

• Mu 1992, wakasela Nataliya. Mu 1995, wakamanya mulayi wa Nzambi wa dibisha bantu ku lufu, yeye kutuadija kulonga Bible ne Bantemu ba Yehowa. Bidimu bia bungi pashishe mukajende Nataliya kutuadijaye pende kulonga Bible. Ditabuja dia Sergueï ne muvuadi dimusake bua kuakaja nsombelu wende biakasankisha mukajende bikole

Vadim Levtchouk

• Mulela: mu 1972 (mu Kemerovo)

• Malu a mu nsombelu: Uvua mukolele mu dîku dia bantu badi kabayi batendelela. Uvua mumbudi wa mabanji a muinshi mua buloba munkatshi mua bidimu 14

• Wakatuadija kulonga Bible mu 1992. Yeye kusela Tatiana mu 1997. Udi ne bana ba balume babidi. Bena mu dîku diende bonso badi bitaba malu a mu Bible. Batu kabidi banange manaya a dibidija mubidi ne manaya makuabu

Mu 22/7/2018, basalayi bakabuelela bana betu mu nzubu yabu mitue ku 8 mu Berezovsky. Bobu kukuata muanetu Britvin ne muanetu Levtchouk kuyabu nabu bua kubalumbuluisha. Pashishe kabadi kanene ka mu Kemerovo kakatuma dîyi bua kuanjibu kulama bana betu abu. Bakashalaku munkatshi mua tshidimu tshijima ne ngondo ndambu. Mu dia 25/12/2019, bakabatuma mu kasho mutshidibu ne lelu eu.

Britvin ne Levtchouk mbabidi ba mu bana betu batanu ba mu Kemerovo badibu babanda ne: mbashipe mikenji ya ditunga bua mudibu Bantemu ba Yehowa. Bana betu bonso badibu bele mu buloko mu Russie tudi nabu mu meji ne tudi tusambila bua bualu buabu. Ebelu 13:3 udi utuvuluija ne: “Nuvuluke bantu badi mu buloko bienze anu bu ne: nudi nabu mu buloko, ne bantu badibu bakengesha, bualu nuenu penu nudi mu mubidi.”