Leza witusakila twikale na ndoe ne nsangaji mu paladisa pano pa ntanda nyeke ne nyeke!

Padi ukeipangula’mba, ‘Le kino kibwanika namani?’ Bible unena’mba Bulopwe bwa Leza bukalonga’kyo, kadi amba Leza usaka bantu bonso befunde kuyuka buno Bulopwe ne byobya byaetusakila.—Ñimbo ya Mitōto 37:11, 29; Isaya 9:7.

Leza witusakila tumwene mu būmi.

Tata wetu wa mūlu usaka twikale na nsangaji ya nyeke pamo bwa mbutwile muyampe usakila bana bandi bilumbuluke. (Isaya 48:17, 18) I mulaye amba “yewa ulonga kiswa-mutyima kya Leza udi’ko nyeke.”—1 Yoano 2:17.

Leza usakanga tunangile mu tushinda twandi.

Bible unena’mba Umpangi wetu usakanga kwitufundija “mashinda andi,” amba tunange “mu tushinda twandi.” (Isaya 2:2, 3) I mutonge’ko “bantu ba dijina dyandi” amba bayukanye kiswa-mutyima kyandi pa ntanda ponso.—Bilongwa 15:14.

Leza usakanga tumutōte mu bumo.

Butōtyi butōka bwa Yehova kebukalañanyangapo bantu, ino bwibakutyilanga mu bumo kupityila ku buswe bwa binebine. (Yoano 13:35) Lelo i bāni dyalelo bafundijanga bana-balume ne bana-bakaji konsokonso mwa kwingidila Leza mu bumo? Tukulomba witanine malondololo mu uno boloshile.