Maloba ya ebandeli na mikanda ya Biblia

Maloba ya ebandeli ya Biblia

Talá ndenge buku mokomoko esimbami na motó ya likambo mobimba ya Biblia, elingi koloba, na nzela ya Yesu Kristo Bokonzi ya Nzambe ekolongisa nkombo ya Yehova.

Maloba ya ebandeli na mokanda ya Ebandeli

Mokanda ya Ebandeli epesi biso nsango moko ya ntina na oyo etali ndenge bomoi ya bato ebandaki mpe epai bampasi mpe liwa eutá.

Maloba ya ebandeli na mokanda ya Kobima

Nzambe alongolaki Bayisraele na boombo na Ezipito mpe akómisaki bango ekólo oyo emipesi na ye.

Maloba ya ebandeli na mokanda ya Balevi

Talá ndenge mokanda ya Balevi emonisi bosantu ya Nzambe mpe mpo na nini ezali ntina tózala basantu.

Maloba ya ebandeli na mokanda ya Yosua

Talá ndenge ekólo Yisraele ebundi mpo na kozwa mokili oyo Nzambe apesaki bango mpe ndenge ekaboli mokili yango.

Maloba ya ebandeli na mokanda ya Basambisi

Mokanda oyo ezwi nkombo ntango Nzambe asalelaki mibali ya mpiko mpe ya kondima makasi mpo na kobikisa Yisraele na banguna na bango.

Maloba ya ebandeli na mokanda ya Ezera

Yehova akokisaki elaka na ye ya kolongola basaleli na ye na boombo na Babilone mpe kozongisa losambo ya solo na Yerusaleme.

Maloba ya ebandeli na mokanda ya Nehemia

Mokanda ya Nehemia ezali koteya bakristo ya solo mateya ya ntina lelo oyo.

Maloba ya ebandeli na mokanda ya Estere

Makambo oyo esalemaki na mikolo ya Estere ekokómisa kondima na yo makasi na nguya oyo Yehova Nzambe azali na yango ya kobikisa basaleli na ye na ntango ya komekama lelo.

Maloba ya ebandeli na mokanda ya Yobo

Bato nyonso oyo balingaka Yehova bakokutana na komekama. Lisolo ya Yobo endimisaka biso ete tokoki kobatela bosembo na biso mpe kotikala na ngámbo ya Yehova na likambo etali boyangeli ya molɔ́ngɔ́ mobimba.

Maloba ya ebandeli na mokanda ya Nzembo

Mokanda ya Nzembo ekumisaka bokonzi ya Yehova, esalisaka mpe ebɔndisaka baoyo balingaka ye, mpe emonisi ndenge Bokonzi ya Nzambe ekobongisa mokili oyo.

Maloba ya ebandeli na mokanda ya Masese

Talá toli ya Nzambe oyo ekoki kotambwisa yo na makambo nyonso ya bomoi, ezala ya mosala to ya libota.

Maloba ya ebandeli na mokanda ya Mosakoli

Mokonzi Salomo amonisi bokeseni oyo ezali kati na makambo oyo ezali mpenza na ntina na bomoi ná makambo oyo eyokani te na bwanya ya Nzambe.

Maloba ya ebandeli na mokanda ya Loyembo ya Salomo

Biblia ebengi bolingo makasi ya elenge mwasi Moshuleme epai ya mobateli moko ya mpate “lolemo ya mɔtɔ ya Yah.” Mpo na nini?

Maloba ya ebandeli na mokanda ya Yisaya

Mokanda ya Yisaya ezali na esakweli ya sikisiki oyo ekoki kosalisa yo otyela Yehova motema mpo azali Mokokisi ya bilaka mpe Nzambe oyo abikisaka.

Maloba ya ebandeli na mokanda ya Yirimia

Mosakoli Yirimia asalaki mosala na ye na bosembo nyonso atako mikakatano. Kanisá liteya oyo bakristo ya lelo bakoki kozwa na ndakisa na ye.

Maloba ya ebandeli na mokanda ya Bileli

Mokanda ya Bileli, oyo ekomamaki na mosakoli Yirimia, emonisi maloba ya mawa mpo na libebi ya Yerusaleme, mpe emonisi ndenge Nzambe ayokelaka bato oyo babongoli motema mawa.

Maloba ya ebandeli na mokanda ya Ezekiele

Na komikitisa nyonso mpe na mpiko, Ezekiele akokisaki mokumba nyonso oyo Nzambe apesaki ye, ata ya mpasi mpenza. Ndakisa na ye ezali na ntina mingi mpo na biso lelo oyo.

Maloba ya ebandeli na mokanda ya Danyele

Danyele ná baninga na ye misato batikalaki sembo epai ya Yehova na makambo nyonso. Ndakisa na bango mpe kokokisama ya bisakweli ekoki kopesa biso matomba lelo oyo, na ntango ya nsuka.

Maloba ya ebandeli na mokanda ya Hosea

Esakweli ya Hosea ezali na mateya ya ntina mingi mpo na biso lelo na oyo etali motema mawa oyo Yehova amoniselaka basali-mabe oyo babongoli motema mpe lolenge ya losambo oyo asɛngaka.

Maloba ya ebandeli na Yoele

Yoele asakolaki mpo na “mokolo ya Yehova” oyo ekómi pene mpe amonisaki likambo ya kosala mpo na kobika. Esakweli na ye emonisi ete esengeli kosala makambo na lombangu lelo.

Maloba ya ebandeli na mokanda ya Amose

Yehova apesaki mobali wana ya komikitisa mosala moko ya ntina. Liteya nini tokoki kozwa na ndakisa ya Amose?

Maloba ya ebandeli na mokanda ya Obadia

Ezali mokanda oyo eleki mokuse na Makomami ya Ebre, to Testama ya kala. Esakweli yango epesi elikya mpe elaki kolongisama ya boyangeli ya Yehova Nzambe.

Maloba ya ebandeli na mokanda ya Yona

Mosakoli andimaki básembola ye, akokisaki mokumba na ye, mpe azwaki liteya ya ntina mingi na bolingo ya sembo ya Nzambe mpe motema mawa na ye. Makambo oyo akutanaki na yango ekosimba motema na yo.

Maloba ya ebandeli na mokanda ya Mika

Esakweli oyo euti na Nzambe ezali kolendisa biso tóndima ete Yehova asɛngaka biso kaka makambo oyo tokoki kosala mpe oyo ezali mpo na bolamu na biso.

Maloba ya ebandeli na mokanda ya Nahumu

Esakweli yango ezali kotinda biso tótya motema ntango nyonso ete Nzambe akokokisa maloba na ye mpe ete abɔndisaka baoyo nyonso balukaka kimya mpe lobiko na nse ya Bokonzi na ye.

Maloba ya ebandeli na mokanda ya Habakuku

Tosengeli kotya motema ntango nyonso ete Yehova ayebi ntango mpe ndenge ya malamu mpo na kobikisa bato na ye.

Maloba ya ebandeli na mokanda ya Sefania

Mpo na nini tosengeli koboya kokanisa ete mokolo ya Yehova ekoya te?

Maloba ya ebandeli na mokanda ya Hagai

Esakweli ya Hagai emonisi ntina ya kotya losambo ya Nzambe liboso ya matomba na biso moko.

Maloba ya ebandeli na mokanda ya Zekaria

Ebele ya bimonaneli oyo euti na Nzambe mpe bisakweli elendisaki basaleli ya Nzambe na ntango ya kala. Kaka bisakweli yango ekobi kondimisa biso ete Yehova azali kosunga biso lelo.

Maloba ya ebandeli na mokanda ya Malaki

Ezali esakweli oyo elobeli mitinda ya Nzambe oyo ebongwanaka te, motema mawa, mpe bolingo. Esakweli yango epesi mpe mateya ya ntina mingi mpo na makambo ya bomoi na biso ya mokolo na mokolo.

Maloba ya ebandeli na mokanda ya Matai

Yekolá makambo ya ntina etali mokanda yango ya Biblia, oyo ezali Evanzile ya liboso.

Maloba ya ebandeli na mokanda ya Marko

Marko, evanzile oyo eleki mokuse, emonisi mwa moke makambo oyo Yesu akosala lokola Mokonzi ya Bokonzi ya Nzambe.

Maloba ya ebandeli na mokanda ya Luka

Makambo nini elobelami kaka na Evanzile ya Luka?

Maloba ya ebandeli na mokanda ya Yoane

Mokanda ya Yoane elobeli polele bolingo ya Yesu mpo na bato, ndakisa na ye ya komikitisa mpe ndenge ayebanaki ete azali Masiya—moto oyo akozala Mokonzi ya Bokonzi ya Nzambe.

Maloba ya ebandeli na mokanda ya Misala ya bantoma

Bakristo ya liboso basalaki mosala makasi mpo na kokómisa bato bayekoli na bikólo nyonso. Mokanda ya Misala ekoki kobakisa molende mpe esengo na yo na mosala ya kosakola.

Maloba ya ebandeli na mokanda ya Baroma

Litambwisi oyo epesamaki na lisalisi ya elimo santu na oyo etali ezaleli ya Yehova ya kozanga kopona bilongi mpe ntina ya kondimela Yesu Kristo.

Maloba ya ebandeli na mokanda ya 1 Bakorinti

Mokanda na ye ezali mpe na toli etali bomoko, bopɛto ya bizaleli, bolingo mpe kondimela lisekwa.

Maloba ya ebandeli na mokanda ya 2 Bakorinti

Yehova, “Nzambe ya kobɔndisama nyonso,” apesaka basaleli na ye makasi mpe asungaka bango.

Maloba ya ebandeli na mokanda ya Bagalatia

Mokanda ya Paulo epai ya Bagalatia ezali na ntina lelo oyo kaka ndenge ezalaki ntango akomaki yango. Ekoki kosalisa bakristo nyonso ya solo bátikala sembo.

Maloba ya ebandeli na mokanda ya Baefese

Mokanda yango emonisi mokano ya Nzambe ya kotya kimya mpe bomoko na nzela ya Yesu Kristo.

Maloba ya ebandeli na mokanda ya Bafilipi

Soki totikali sembo na komekama, tokoki kolendisa basusu bátɛlɛma ngwi.

Maloba ya ebandeli na mokanda ya Bakolose

Tokosepelisa Yehova soki tozali kosalela makambo toyekolaka, tolimbisanaka mpe tondimaka esika ya lokumu mpe bokonzi oyo Yesu azali na yango.

Maloba ya ebandeli na mokanda ya 1 Batesaloniki

Tosengeli kolala mpɔngi na elimo te, ‘koluka koyeba likambo nyonso soki ezali solo,’ ‘kobondelaka ntango nyonso,’ mpe kolendisanaka.

Maloba ya ebandeli na mokanda ya 2 Batesaloniki

Paulo asemboli likanisi ya libunga etali koya ya mokolo ya Yehova mpe alendisi bandeko bátɛlɛma ngwi na kondima.

Maloba ya ebandeli na mokanda ya 1 Timote

Ntoma Paulo akomaki mokanda ya liboso epai ya Timote mpo na komonisa malako oyo esengeli kotambwisa lisangá mpe kokebisa bandeko na mateya ya lokuta mpe bolingo ya mbongo.

Maloba ya ebandeli na mokanda ya 2 Timote

Paulo alendisi Timote akokisa mosala na ye malamumalamu.

Maloba ya ebandeli na mokanda ya Tito

Mokanda ya Paulo epai ya Tito elobeli mikakatano oyo ezalaki na masangá ya Krɛtɛ mpe masɛngami mpo na kokóma nkulutu na lisangá.

Maloba ya ebandeli na mokanda ya Filemo

Mokanda yango ya mokuse, kasi oyo maloba na yango ezali na nguya, ezali na mateya oyo ebongi mpenza na likambo etali komikitisa, boboto mpe kolimbisa.

Maloba ya ebandeli na mokanda ya Baebre

Losambo ya bakristo esambami na makambo oyo eleki mosika batempelo oyo ezali komonana mpe bambeka ya banyama.

Maloba ya ebandeli na mokanda ya Yakobo

Yakobo asaleli bandakisa oyo ezali polele mpo na koteya mitinda ya ntina ya bokristo.

Maloba ya ebandeli na mokanda ya 1 Petro

Mokanda ya liboso ya Petro elendisaka biso tókoba kosala ntango nyonso mosala mpe tóbwakela Nzambe mitungisi na biso nyonso.

Maloba ya ebandeli na mokanda ya 2 Petro

Mokanda ya mibale ya Petro elendisi biso tótikala sembo wana tozali kozela likoló ya sika mpe mabele ya sika.

Maloba ya ebandeli na mokanda ya 1 Yoane

Mokanda ya Yoane ekebisi biso na batɛlɛmi ya Kristo mpe esalisi biso tóyeba makambo oyo tosengeli kolinga mpe makambo oyo tosengeli kolinga te.

Maloba ya ebandeli na mokanda ya 2 Yoane

Mokanda ya mibale ya Yoane ekundweli biso tókoba kotambola na solo mpe komibatela na bakosi.

Maloba ya ebandeli na mokanda ya 3 Yoane

Mokanda ya misato ya Yoane epesi liteya kitoko ya koyamba bapaya.

Maloba ya ebandeli na mokanda ya Yuda

Alimboli mpe amonisi makambo mabe ya baoyo bazali koluka kokosa bakristo mpe kobebisa bango.

Maloba ya ebandeli na mokanda ya Emoniseli

Bimonaneli ya kokamwa oyo ezali na mokanda ya Emoniseli emonisi ndenge Bokonzi ya Nzambe ekosala ete mokano na ye mpo na bato mpe mabele ekokisama.

Talá mpe...

Poná monɔkɔ na bino

Tindá