Mvutu za Yuvu ya Nkand’a Nzambi
Nga Yesu wafula kikilu wantu?
Nkand’a Nzambi usonganga e ziku vo Yesu wafula mafwa vava kakala va ntoto. E diadi dialudi, kadi mu fulu ye kolo kiasikididi diavangamena. Muna bonga e nona, muna nsungi a sivu ya mvu wa 31 wa T.K., wantu ayingi bakangala yo Yesu tuka kuna Kafanau yakuna Naini. Vava balwaka, bawanana ye buka kiankaka. Lufuluku lwavangama muna mbanza yayina lwa ziku kadi lwasonama mu Bibila ye va fulu kia mbangi zayingi lwavangamena.—Tanga Luka 7:11-15.
Yesu wafula Lazaro wa nkundi andi ona wafwa vioka lumbu yá. Olenda kwikila mu lusansu lwalu kadi Yesu va meso ma ndonga kavangila e diambu diadi.—Tanga Yoane 11:39-45.
Ekuma Yesu kafutumwina wantu?
Yesu wafula wantu mu kuma kia nkenda. Wavanga wo mpe muna songa vo S’andi una vo i Mvangi a moyo wamvana nkuma wa fula mafwa.—Tanga Yoane 5:21, 28, 29.
Lufuluku kavanga Yesu, lukutuvananga e vuvu kia ndungana a nsilu miandi mu kuma kia kusentu. Ofutumuna ulolo wa wantu kumosi y’awana balembi songa, ana ke bazaya diambu ko mu kuma kia Nzambi aludi. Bevewa e lau dia zaya yo zola Yave wa Nzambi.—Tanga Mavangu 24:15.
Nanga Oyangalela Mpe Malongi Mama
YESU I NZILA, I LUDI YO MOYO
Yesu Ofutumwini Mwan’a Toko wa Nkento Wafwila Yakala
Awana bamwene sivi diadi babakwidi nsas’andi.
YESU I NZILA, I LUDI YO MOYO
Lazaro Ofulukidi
Mambu mole mafididi atantu a Yesu mu lembi katikisa lufuluku lwa Lazaro.
EYINGIDILU DIA NKANGU
Vuvu mu Kuma kia Mafwa—Aweyi Olenda Kadila ye Ziku?
Bibila kiyikanga kuma yole muna kwikila mu lufuluku.
