Құдайдың қанша аты бар?
Киелі кітаптың жауабы
Құдайдың өзіне лайық бір ғана есім бар. Еврейше ол יהוה деп жазылады, ал қазақ тілінде “Ехоба” деп дыбысталады a. Құдай өзінің Ишая деген пайғамбары арқылы: “Мен Ехобамын. Бұл — менің есімім”,— деген (Ишая 42:8). Ехоба деген есім Киелі кітаптың көне қолжазбаларында шамамен 7000 рет қолданылады. Онда бұл есім “Құдай”, “Жаратқан Ие” сияқты лауазымдар мен кісі аттарының қай-қайсысынан да жиі кездеседі b.
Ехобаның басқа да аттары бар ма?
Киелі кітапта Құдайдың бір ғана есімі аталғанымен, оның көптеген лауазымдары да қолданылады. Төменде келтірілген лауазымдар Ехобаның болмысын түрлі қырынан көрсетеді.
Лауазым |
Киелі кітаптағы тармақтар |
Мағынасы |
|---|---|---|
Аллаһ |
|
Араб тіліндегі “Аллаһ” деген сөз — “Құдай” дегенді білдіретін лауазым ғана. Киелі кітаптың кейбір аудармаларында “Аллаһ” сөзі “Құдай” деген лауазымның орнына қолданылады. |
Альфа және Омега |
“Алғашқы мен соңғы”, “басы және аяғы” дегенді білдіреді. Бұл лауазым Ехобаға дейін ешқандай Құдай болмағанына және одан кейін де болмайтынына нұсқайды (Ишая 43:10). Альфа және Омега — грек әліпбиіндегі бірінші және соңғы әріптер. |
|
Әке |
Өмір беруші. |
|
Әлемнің Әміршісі |
Бүкіләлемдік билігі бар. |
|
Әскербасы Ехоба |
Сансыз көп періштені бастап алып жүреді. |
|
Бағушы |
Өзіне құлшылық ететін адамдардың қамын жасайды. |
|
Бақытты Құдай |
Оған қуаныш пен бақыт тән (Зәбүр 104:31). |
|
Дұғаларды тыңдаушы |
Өзіне сеніммен айтылған дұғалардың бәрін тыңдайды. |
|
Ежелден бар Тәңір Ие |
Оның бастамасы болмаған. Ол ешкім де, еш нәрсе де пайда болмай тұрып бар болған (Зәбүр 90:2). |
|
Ең Киелі Құдай |
Жаратылыстардың барлығынан әлдеқайда киелі (құлықтылық жағынан кіршіксіз таза). |
|
Жартас |
Қауіпсіз пана және құтқарушы. |
|
Ие |
Қожайын. |
|
Кім болғым келсе, сол боламын |
Өз мақсатына жету үшін кім болу қажет болса, сол болады. Бұл лауазым Мұсаның 2-жазбасы 3:15-те келтірілген Құдай есімінің мағынасын түсінуге көмектеседі. |
|
Құдай |
Саналы жаратылыстар құлшылық ететін құдіретті Тұлға. Еврей тіліндегі көпше түрдегі “Элохим” сөзі Ехобаның ұлылығына, дәрежесі мен салтанатына нұсқайды. |
|
Құдай Тағала |
Ең жоғары дәрежелі тұлға. |
|
Құдайлардың Құдайы |
Ол кейбіреулер табынатын “түкке тұрғысыз құдайлардан” әлдеқайда жоғары тұр (Ишая 2:8). |
|
Құдіреті шексіз Құдай |
Шексіз құдіретке ие. Бұл лауазым Киелі кітаптың түпнұсқасында жеті рет кездеседі. |
|
Құмырашы |
Құмырашының балшықпен не істеймін десе де өз еркі. Сол сияқты Құдай да жекелеген адамдар мен халықтарға әмір жүргізуге құқылы (Римдіктерге 9:20, 21). |
|
Құн өтеуші |
Иса Мәсіхтің төлем құрбандығы арқылы адамзаттың құнын өтеп, күнә мен өлімнен құтқарып қалды (Жохан 3:16). |
|
Құтқарушы |
Қауіп-қатерден және жойылудан аман сақтайды. |
|
Мәңгіліктің патшасы |
Оның билігі бұған дейін болған, бола да береді. |
|
Өзіне қалтқысыз берілуді талап ететін Құдай |
Ол өзінен басқа тәңірлердің болуына төзбейді. |
|
Ұлы Жаратушы |
Барлық нәрсені жаратқан (Аян 4:11). |
|
Ұлы Тәлімгер |
Пайдалыны үйретіп, бағыт-бағдар береді (Ишая 48:17, 18). |
Еврей жазбаларындағы жерлердің атаулары
Киелі кітапта кездесетін кейбір жер атауларының құрамында Құдайдың есімі бар. Бірақ олар Құдайдың лауазымдарына жатпайды.
Жер атауы |
Киелі кітаптағы тармақтар |
Мағынасы |
|---|---|---|
Ехоба-Ире |
“Ехоба қажетіңді береді”. |
|
Ехоба-нисси |
“Ехоба менің белгі бағанам”. Оның халқы қанатының астынан қорғаныш пен көмек таба алады (Мұсаның 2-жазбасы 17:13—16). |
|
Ехоба-Шалом |
“Ехоба — татулық”. |
Құдайдың есімін білу және қолдану неге маңызды?
Құдай адамдарды өзінің Ехоба деген есімін білсе екен дейді. Сол себептен де ол Киелі кітапта мыңдаған рет өзінің есімін жаздыртқан (Малахи 1:11).
Иса Мәсіх Құдайдың есімінің маңыздылығына көп рет назар аударған. Мысалы, ол Ехоба Құдайға: “Сенің есімің киелі тұтылсын!”— деп дұға еткен (Матай 6:9; Жохан 17:6).
Құдайдың есімін білу және қолдану — Құдаймен дос болу үшін жасалатын алғашқы қадам (Зәбүр 9:10; Малахи 3:16). Құдаймен дос болған адамдар мына уәденің орындалуын көреді: “Ол мені жақсы көргендіктен, мен оны құтқарамын. Есімімді білгендіктен, оны қорғайтын боламын” (Зәбүр 91:14).
Киелі кітапта былай деп жазылған: “Көптеген “құдайлар” мен “иелер” бар, сол сияқты көкте де, жерде де “құдай” деп аталатындар бар” (Қорынттықтарға 1-хат 8:5, 6). Бірақ онда жалғыз шынайы Құдай Ехоба деген есіммен ажыратылады (Зәбүр 83:18).
Қызықты болар мәліметтер
ESSENTIAL BIBLE TEACHINGS
Алла Тағаланың есімі бар ма?
Құдайдың көп лауазымы бар. Мысалы, Құдіретті, Жаратушы, Раббы. Бірақ Киелі кітапта оның дара есімі 7000-нан астам рет кездеседі.
БІЗ ЖӨНІНДЕ
Ехоба куәгерлерінің келуіне өтініш жіберу
Киелі кітапқа қатысты сұрағыңызды талқылай аласыз я болмаса Ехоба куәгерлері туралы көбірек білсеңіз болады.