Nos Deus di amor pode da-u bensons ki ta dura pa tudu ténpu
Bu ta gostaba di vive na un mundu sen géra, sen violénsia i sen konfuzon?
Bu ta gostaba di vive na un mundu sen duénsa, sen sufrimentu i mórti?
Bu ta gostaba di vive sen preokupason i fadiga?
Bu ta gostaba di vive na un mundu undi ki ka ta kontise dizastri na naturéza?
Nos Deus di amor faze nos planéta bunitu pa nu vive na el. El promete ma el ta abênsua tudu algen ku un vida di pas i filisidadi pa tudu ténpu. Kel-li é ka un sonhu.
Na kes artigu ki nu sta ben odja, nu ta konvida-u pa bu pensa na kes pergunta li:
Kuzê ki Deus ta xinti pa tudu algen?
Kal ki é mensaji di Deus pa nos?
Kuzê ki profétas di Deus fla sobri kes benson ki el promete?
Kuzê ki nu meste faze pa nu ser filís gósi i pa nu resebe kes benson ki Deus promete pa futuru?
Nu ben kumesa ta odja alguns di kes kuza ki nos Kriador ta da-nu, ki ta mostra ma el ta preokupa ku nos.
