GALANI MA KA LINDA!
Russia i no Thasela Ukraine
Russia ya ka tangisa thasela Ukraine ne masole ku chi maphakela kwazo ne February 24, 2022, nenguba batungamili be dzi shango ba ka lika ku ti ku songo be ne ngwa. Ngwa iyeyi i ngana i ka ama chini shango? Mazhuba a si mangana a ka pinda António Guterres, Secretary-general we United Nations, wa kati “Belelo le ku dziyila kwe bathu ne ku chinyiwa kwe Europe kose ne ku sa bakililika kwe shango yose kowo be ku kulu kwazo.”
Ku yenda ne Baibili zwieto zwi nonga ichechi zwina bukawo gupi?
Jesu Kirisiti wa ka lebela mbeli chibaka ha “itjaba tjowomukila itjaba ne bushe gukamukila bushe.” (Matewu 24:7) Bala nsholo u no ti “Chilakidzilo che “Mazhuba e Bupelo,” kene “Tjibaka tje Bupelo” Ini?” ku bona se kwa Baibili i lakidza kuti ngwa dzo shingikadza buporofiti gwa Jesu ngwenu.
Buka ye Baibili ye Zumbunulo i no lakidzila ngwa se ntathi u gele pezhugwi kwe mbizi shaba kwakabondelela ngono “uno dusa mbakiso mushango.” (Zumbunulo 6:4) Bala nsholo u noti “Bapalami ba Dipitse Tse Nnê ke Bomang?” ku bona kuti buporofiti go amana ne nghwa chini ngwenu.
Buka ya Daniele ya ka lebela mbeli ku sa wanana kwe “mambo we bunandzwa:” ne “mambo we burwa.” (Daniele 11:25-45) Lingilila vidiyo i noti: Boporofeti jo bo Diragaditsweng Jo bo Mo go Daniele Kgaolo 11, ku zwidiya ku ti ini Russia ne shango dza i no shingidzana nadzo dzi chenesiwa se mambo (she) we bunandzwa. a
Zumbunulo i no chenesa “ngwa mu zhuba gulu le Ndzimu Masimbawose.” (Zumbunulo 16:14, 16) Ne kwa ka jalo, i yeyi ate ngwa pakati kwe zwichaba se kwa ku li iko ngwenu. Bala nsholo u noti “Ngwa ye Amagedoni Ini?” ku bona zibiso ya ka paphidzika ne kwe chi nowo shingikala mu chibaka chino zha.
Ini unga be ne thembo ne kwe chibaka chi nowo zha?
Baibili i kati Ndzimu: “banothama kuti ngwa dzime ne kunopelela shango.” (Pisalema 46:9) Bala nsholo u noti “A Real Hope for a Better Tomorrow” ku zwidiya kwa ka paphidzika ne buchilo gu nowo zha gu no thembesiwa ne Ndzimu.
Jesu wa ka diya batobeli babe ku tembezela ku ti Bushe gwe Ndzimu guzhe. (Matewu 6:9, 10) Bushe igogu i goromente we kudzimu u no shingikadza kuda kwe Ndzimu mu shango, ngono kuda kwe Ndzimu ko shanganyila Mbakiso ye shango yose. Ku zwidiya se kwa u nga be ne mbayilo mu Bushe, lingilila vidiyo ye Bushe gwe Ndzimu i ni?
Ku na Bafakazi ba Jehova ba no pinda 129 000 ba no gala mu Ukraine. Koga se Bafakazi ba mu shango dzingwe, ba no yedza Jesu ne ku sa tola litabi mu dzipolotiki ne ku lamba ku be ne chiabe mu ngwa. (Johani 18:36) Bafakazi ba Jehova ba no dwilila be rera “ndebo mbuya iyeyi ye bushe” i li iyo koga i nowo pedzisa mathatha e bathu, ku shanganyila ne ngwa. (Matewu 24:14) To ku laletsa ku zwibatshanya naswi ku zwidiya ne kwe thembiso i mu Baibili.
a Ku bala ne buzhalo ne kwe buporofiti igogu bona misholo i noti “‘Kgosi ya Bokone’ mo Metlheng ya Bofelo” ne “Kgosi ya Bokone” ke Mang Gompieno?”