Sabat sa mga Pamangkot sa Biblia
May ginbanhaw gid man bala si Jesus?
Ginbanhaw ni Jesus si Lazaro paagi sa pagtawag sa iya nga maggua sa lulubngan
Maathag nga ginsiling sa Biblia nga may ginbanhaw si Jesus. Yadto nga mga rekord indi uluistorya lang, kundi natabo sa matuod nga mga duog kag espesipiko nga mga tion. Halimbawa, sang tig-ilinit sang katuigan 31 C.E., isa ka daku nga kadam-an ang naglakbay kaupod ni Jesus halin sa Capernaum pakadto sa Nain. Pag-abot didto, nasugata nila ang isa pa ka kadam-an. Masaligan mo ang masunod nga pagbanhaw kay ginrekord ini sa Pulong sang Dios, ang Biblia, kag bangod natabo ini sa atubangan sadto nga mga saksi.
Ginbanhaw man ni Jesus ang iya abyan nga si Lazaro, nga patay na sa sulod sang apat ka adlaw. Mapatihan mo ang rekord sang ginhimo ni Jesus bangod madamo man ang nakasaksi sadto.
Ngaa ginbanhaw ni Jesus ang mga tawo?
Ginbanhaw ni Jesus ang mga tawo bangod sang kaluoy. Ginhimo man niya ini para ipakita nga ang iya Amay, ang Manunuga sang kabuhi, naghatag sa iya sang gahom labaw sa kamatayon.
Ang pagbanhaw ni Jesus nagapabakod sang aton pagsalig sa iya mga saad sa palaabuton. Banhawon niya ang daku nga kadam-an, lakip ang mga di-matarong nga wala makakilala sa matuod nga Dios. May kahigayunan sila nga kilalahon kag higugmaon si Jehova nga Dios.
Basi Manamian Ka Man
SI JESUS—ANG DALAN, ANG KAMATUORAN, ANG KABUHI
Ginbanhaw ni Jesus ang Anak sang Balo
Nahangpan sang mga nakakita sang milagro ang katuyuan sini.
SI JESUS—ANG DALAN, ANG KAMATUORAN, ANG KABUHI
Ginbanhaw si Lazaro
May duha ka pamatuod nga imposible ipanghiwala sang mga nagapamatok kay Jesus nga natabo ang milagro.
ANG LALANTAWAN
Paglaum Para sa mga Patay—Sigurado Gid Bala?
Ang Biblia nagahatag sing duha ka mabakod nga rason nga magsalig kita sa pagkabanhaw.
