Salama a Duniya—Me Ya Sa Ta Yi Wuya?
Amsar Littafi Mai Tsarki
Ƙoƙarin da mutane suke yi don su kawo salama a duniya ya kasa kuma zai ci gaba da kasawa don dalilai da yawa:
“Hanyar mutum ba cikin nasa hannu ta ke ba; mutum kuwa ba shi da iko shi shirya tafiyarsa.” (Irmiya 10:23) Ba a halicci ’yan Adam da ikon yin sarauta ba, saboda haka ba za su iya samun salama na dindindin ba.
“Kada ku dogara ga sarakuna, ko kuwa ɗan adam, wanda babu taimako gareshi. Numfashinsa ya kan fita, ya kan koma turɓayarsa kuma; a cikin wannan rana shawarwarinsa su kan lalace.” (Zabura 146:3, 4,) Shugabannan gwamnati, har waɗanda suke da nufin yin abubuwa masu kyau ba su iya magance abubuwan da ke jawo yaƙi ba.
“Cikin kwanaki na ƙarshe miyagun zamanu za su zo. Gama mutane za su zama . . . masu-zafin hali, marasa-son nagarta, masu-cin amana, masu-taurin kai, masu-kumbura.” (2 Timothawus 3:1–4) Muna zama a “kwanaki na ƙarshe” na wannan muguwar duniya, lokaci da abubuwan da ke faruwa suke hana samun salama.
“Kaiton duniya da teku: Domin Shaiɗan ya sauko wajenku, hasala mai-girma kuwa gare shi, domin ya san sauran zarafinsa kaɗan ya rage.” (Ru’ya ta Yohanna 12:12) An ɗaure magabcin Allah, Iblis, a duniya kuma yana sa mutane su bi mugun halinsa. Muddin shi ne “mai-mulkin wannan duniya,” ba za mu taɓa samun salama ba.—Yohanna 12:31.
“[Mulkin Allah] za ya farfashe dukan waɗannan mulkoki ya cinye su [da suke adawa da Allah], shi kuwa za ya tsaya har abada.” (Daniel 2:44) Babu wata gwamnatin mutum, sai Mulkin Allah ne kawai zai iya cika burinmu na samun salama a duniya dindindin.—Zabura 145:16.