Jaikuaavévo ñande Apoharépe ñañemoag̃uivéta hese
Ñande Apohare ndahaʼéi ipoderósovante, haʼe oreko avei hetaiterei kualida iporãva ha oipota ñande jaikuaa umíva ñañemoag̃uive hag̃ua hese (Juan 17:3; Santiago 4:8). Ha oipota oiko ñandehegui iñamígo, upévare omombeʼu ñandéve ñaikotevẽva guive jaikuaa porãve hag̃ua chupe.
Ñande Apohare omombeʼu ñandéve héra
“Umi hénte oikuaáta, nde nderérava Jehová, nde añoite hína haʼeha Ñandejára Ndaijojaháiva ko yvy ape ári” (SALMO 83:18).
La Biblia ñanemboʼe Jehová haʼeha Ñandejára tee. Haʼe ojapo vaʼekue ko univérso ha opa mbaʼe oikovéva, upévare haʼe añoite omerese jaadora chupe (Apocalipsis 4:11).
Ñandejára Jehová ñanderayhu
“Ñandejára ningo mborayhu” (1 JUAN 4:8).
Jehová oipuru la Biblia ha umi mbaʼe ojapo vaʼekue ohechauka hag̃ua ñandéve mbaʼeichagua persónapa haʼe. Ñandejára oreko heta kualida iporãva, péro pe iñimportantevéva haʼe hína pe mborayhu. Pórke opa mbaʼe haʼe ojapóva, ojapo ñanderayhu rupi. Ha ñande amáske jaikuaa Jehovápe, jahayhuvéta chupe.
Ñandejára Jehová ñaneperdonase
“Nde ningo peteĩ Dios oporoperdonasetereíva” (NEHEMÍAS 9:17).
Jehová oikuaa ñande ñaneimperfektoha, upévare siémpre oĩ ñaneperdona hag̃uáicha. Jajeruréramo chupe ñaneperdona hag̃ua ha ñañehaʼãmbaitérõ anivéma hag̃ua jajapo umi mbaʼe ndogustáiva chupe, haʼe katuete ñaneperdonáta ha ndoikomoʼãvéima ohekýi ñandéve umi mbaʼe vai jajapo vaʼekue (Salmo 103:12, 13).
Jehová oipota ñañemboʼe chupe
“Jehová ndohejái umi hese ojeroviávape [...]. Haʼekuéra ojerure jave ajúda, katuete haʼe ohendu” (SALMO 145:18, 19).
Jaadora hag̃ua Jehovápe natekotevẽi jasegi peteĩ rríto, ni jaipuru sánto, taʼanga térã oimeraẽ ótra kósa upearã. Haʼe ohendu ñañemboʼe jave chupe, peteĩ túa ohenduháicha ifamíliape ohayhu rupi chupe.
Koʼã téma ikatu ndegusta avei
LA BIBLIA OKONTESTA KOʼÃ PORANDU
¿Mávapa Jehová?
¿Haʼe piko Jehová peteĩ Dios unos kuántonte oadoráva, por ehémplo umi israelítante?
