«Wainma tü kasa naainjakat na wayuukana amojujaaka tü mmakat. Sutuma tia naainjakat, epirajaasü wüin waneirua mma, jaishi maʼin chi kaʼikai, eesü wawai keemaka maʼin, aisü miyaasü, ajaʼlajaasü tü wunuʼuliakalüirua jee tü mürütkalüirua. Nnojotsü alawaain tia makat. Naashin na científicokana müsü sukuwaʼipa tü mmakat sutuma nnojoluin anain sukuwaʼipa tü energiakat natuma na sülaülashiikana mma» (Nünüiki António Guterres süchiki tü namakat na ekirajaakana süchiirua sukuwaʼipa tü mmakat aaʼuriiroʼu 4 soʼu 2022. Aʼyataashi António shiʼipajee tü kanüliakat Naciones Unidas).

 «Naashin na científicokana eesü süpüla sumojujaain 423 parques nacionales chakat Estados Unidos sutuma jaʼin maʼin chi kaʼikai. Tü kasa mojusü alatakat maaʼulu müsü aka saaʼin tü kasa alatajatkat saashin tü Bibliakat. Aʼajaasü waneirua kasa, asetüsü tü palaakat, aʼwüinjaasü tü hielokot otta aisü maʼin walatshi sutuma jaʼin maʼin chi kaʼikai» («Epirajaasü wüin tü parque kanüliakat Yellowstone, eesü süpüla sülatüin tia suluʼu waneirua parque», saashin The New York Times, juunioʼu 15 soʼu 2022).

 ¿Anoutaajeetche tü alatakat sümüin tü mmakat? Mülejeʼe shia, ¿jara ounteʼereetka shia? Anuu tü sümakat tü Bibliakat süchiki tia.

 Süküjain tü Bibliakat najaʼlajeʼerüinjanain Maleiwa na amojujakana tü mmakat (Alateetkat Mapeena [Apocalipsis] 11:18). Apünüinsü kasa watüjaka sünainjee tia pütchikat:

1.  1. Amojujaasü sukuwaʼipa tü mmakat sutuma tü naainjakat na wayuukana.

2.  2. Nnojoleerü müin sukuwaʼipa waneepia tü mmakat.

3.  3. Nia Maleiwa anouteʼerüinjachika sukuwaʼipa tü mmakat, nnojoleena nayain na wayuukana.

 Süküjain tü Bibliakat «ayateeria eein tü mmakat waneepia» (Eclesiastés 1:4). Kepieerü wayuu waneepia suluʼu.

•   «Nayeena kepiaka suluʼu tü mmakat süpüla kaʼikat süpüshuaʼa na lotokana akuwaʼipa» (Salmo 37:29).

 Anoutaajeerü sukuwaʼipa tü mmakat.

•   «Wüittuuijeerü otta kasiijeerü maʼin wunuʼulia süpaʼapünaa tü anoouishiikat otta tü isashiipaʼakat maʼaka kasiin tü kanüliakat azafrán» (Isaías 35:1).