Jüküja tü pütchi anakat maʼin
Outkajawaa miyoʼu natuma na aküjaliikana pütchi nüchiki Jehová 2024
Süpülajatü wayuu süpüshuaʼa • Nnojotsü achuntunuin nneerü sünain
Ekirajaanajatka anain
Palajatka kaʼi. Piyaawateerü aaʼu pansaain tü pütchi anakat maʼin süchiki nukuwaʼipa Jesús ashajünakat suluʼu tü karaloʼutakat Mateo, Marcos, Lucas otta Juan. Pütüjaajeerü aaʼu aneerüin wakuwaʼipa maaʼulu sünainjee tü aküjünakat nüchiki Jesús.
Piamaka kaʼi. ¿Ekeraajüsüche tü aküjünakat paala nüchiki Jesús süchiki jalainjachi jemelin nia, jamüinjatüin nukuwaʼipa jintüliiwaʼaya nia otta tü naainjainjatkat?
Apünüinka kaʼi. Tü pütchi suluʼujeejatkat tü Bibliakat kanüliaka «¿Jamüshii nnojoliikaʼa weimmolojooin aaʼin waapapa süchiki pütchi mojukat maʼin?», pütüjaajeerü aaʼu jamüin jimataka naaʼin waneinnua wayuu mayaainjeʼe sumojujaain maʼin tü mmapaʼakat.
Drama
Tü nüchikimaajatkat Jesús: Shiʼipa 1
Chi makai aka saaʼin tü luusa shiimainsükat anakaka wayuu maʼleekalia
Tü kasa pülasü naainjakat Maleiwa süpüla jemelinjachin Jesús shia neʼe tü palajatkat kasa naainjakat nüpüleerua. Amaanüshi nia Egiptomüin natuma na kachonkana nia suulia nuʼutunuin aaʼin nutuma wanee aluwataai outeekai naaʼin. Shiasaʼa mapa, ponusü naaʼin waneinnua ekirajülii eejanakana soʼu nükalia sutuma nütüjain maʼin. Pütüjaajeerü aaʼu tia jee waneirua kasa alataka nümüin sünain tü video eeʼiyatüneekat soʼu tü palajatkat jee tü piamakat kaʼi.
Pünaja tü videokalüirua süpülajatka tü outkajawaakat miyoʼu aainjünüinjatkat soʼu juyakat tüü:
¿Kasa aainjünawaika sünain tü outkajawaakat miyoʼu?
Piʼreerü jamüin sukuwaʼipa tü outkajawaakat miyoʼu natuma na aküjaliikana pütchi nüchiki Jehová.
Outkajawaa miyoʼu natuma na aküjaliikana pütchi nüchiki Jehová 2024: «Jüküja tü pütchi anakat maʼin»
Jülüjaa paaʼin tü wekirajaainjatkalü anain sünain tü outkajawaa süpülajatkat juyakat tüü.
Shiʼipa tü dramakat: «Tü nüchikimaajatkat Jesús»
Wainma maʼin wayuu atüjaakana saaʼu süchiki tü kasa pülasü naainjakat Jehová süpüla jemelinjachin Jesús. ¿Kasa alataka süpülapünaa jee süchikijee jemelin nia?