¿Kasa nüchekaka Maleiwa wapüleerua?
Nücheküin katüinjatüin woʼu waneepia suluʼu wanee paʼaraiisü saaʼu tü Mmakat.
Eesü müle pünüiki: «¿Jamakuwaʼipalüinjatü tia?» Saashin tü Wiwüliakat, eejeerü shia sutuma tü Nuluwataayakat Maleiwa. Nücheküin Maleiwa sütüjaain saaʼu wayuu süpüshuaʼa süchiki tü Nuluwataayakat otta tü naaʼinrajatkat (Salmo 37:11, 29; Isaías 9:7).
Nücheküin Maleiwa anainjatüin wakuwaʼipa.
Nücheküin Maleiwa anainjatüin wakuwaʼipa maʼaka nücheküin wanee wayuu anainjatüin sukuwaʼipa nüchonnii (Isaías 48:17, 18). Naashin Maleiwa, «chi wayuu aaʼinrakai tü nuluwataakat anain [...], ayateechi nümaa süpüla kaʼikat süpüshua» (1 Juan 2:17).
Nücheküin Maleiwa waaʼinrüinjatüin tü nümakat wamüin.
Saashin tü Wiwüliakat, keeʼireesü naaʼin Maleiwa nikirajüin waya süpüla waaʼinrüinjatüin tü nümakat wamüin (Isaías 2:2, 3). Nüneeküin waneeinnua wayuu süpüla nünüliamaain naya otta süpüla naküjüin pütchi sainküin tü Mmakat süchiki tü keeʼireekat naaʼin (Aluwataaushikana 15:14, TNM).
Nücheküin Maleiwa paaʼinwain waya sünain aʼwaajaa nia.
Paaʼinwashii na wayuukana sümaa aijiraain naya sutuma tü iküleesia shiimainkat (Juan 13:35). ¿Jaralii ekirajaka wayuu sainküin tü mmakat süpüla paaʼinwain naya sünain aʼwaajaa Maleiwa? Süpüla pütüjaain saaʼu tia, paashajeʼera karalouktakat tüü.
Eesüjaʼa kamalainjeerüle pümüin aashajeʼeraa tüü
WACHIKI
¿Kasa sünainpünaaka ekirajawaa sünain tü Bibliakat?
Sainküin mmakat süpüshuaʼa, ekirajünüsü wayuu sünain tü Bibliakat masaloui. Pünaja jamüin sukuwaʼipa shikirajia wayuu. Pikirajaa sünain tü Bibliakat.
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
