E aki kai toki namakinan te riribai. N aron ae e tangira te tai ae maan teutana ao te kakorakora katokan te mannaoraki, ao ai arona naba ma katokan te riribai. Tera ae ko kona ni karaoia ni katoka te riribai mai nanom?

“Kam na karina i aomi te tangira, bwa bon te bwai ni kabaebae ae katiteuanaia aomata n te aro ae kororaoi.”​—I-KOROTE 3:14.

Tera ae e nanonaki iai? E karika te katiteuanaaki kakaraoani mwakuri n akoi nakoia tabemwaang. Ngkana ko kaotiota riki tangiraia aomata, e na kekerikaaki riki am riribai. Ngkana ko a tatangiriia riki, e na uarereke riki nnen te riribai ma te kabuakaka i nanom.

Iangoi aanga aika okoro aika ko kona ni kaotiota iai tangiraia aomata man te koraki n aomata are ko iaiangoiia n te aro ae aki riai. E aki riai n rangi n riao. Kataia karaoa teuana ke uoua man aikai:

• Kaotiota ataan te katei nakoia te koraki akanne, n arom ni kauka te mataroa nakoia, ke n angania am kaintekateka ni baao ni mwamwananga.

• Kataetaeia teutana, e ngae naba ngkana a aki ota n am taetae.

• Taotaona nanom ngkana a karaoi baika ko aki ota iai.

• Bwaina te nanoanga ngkana a kaotii aia kangaanga.