Russia nsordaafo too hyɛɛ Ukraine man no do wɔ February 24, 2022 ahanamakye. Ɔwɔ mu dɛ aman ahorow do mpanyimfo bɔɔ mbɔdzen biara dɛ wɔmmpɛ dɛ ɔko si, naaso hɔn mbɔdzembɔ no nyina ennkesi hwee. Dɛm ɔko a wɔahyɛ ase yi bɛka wiadze nyina dɛn? Bɛyɛ nda kakra nye yi na Amanaman Nkabɔmu Kuw no hɔn kyerɛwfo panyin a wɔfrɛ no António Guterres kaa dɛ: “Dza ɔrokɔ do sesei no bɛma nyimpa pii ehu amandze, na ɔbɛsɛɛ ndzɛmba pii so. Afei so ɔdze aman ahorow a wɔwɔ Europe nye wiadze nyina bambɔ bɔto esian mu.”

•   Jesus Christ kaa too hɔ dɛ, mber bi bɛba a “ɔman bɔsoɛr ɔman do, na ahenman bɔsoɛr ahenman do.” (Matthew 24:7) Yɛyɛ dɛn hu dɛ akokoeko a ɔrokɔ do ndɛ no yɛ Jesus no nkɔnhyɛ no na wɔaba mu? Kenkan asɛm a wɔato dzin “What Is the Sign of ‘the Last Days,’ or ‘End Times’?” na ibenya ho mbuae wɔ Bible no mu.

•   Nyikyerɛ nwoma no ka obi a ɔtse ‘ɔpɔnkɔ memen’ bi do ho asɛm. Ɔka noho asɛm dɛ, oyi ‘asomdwee fi asaase do.’ Wɔdze obi a ɔtse dɛm ɔpɔnkɔ yi do no gyina hɔ ma akokoeko. (Nyikyerɛ 6:4) Sɛ epɛ dɛ ihu mbrɛ dɛm nkɔnhyɛ yi fa akokoeko a ɔrokɔ do ndɛ no ho a, kenkan asɛm a wɔato dzin “The Four Horsemen​—Who Are They?”

•   Daniel nwoma no kaa aperper bi a ɔbɔkɔ do wɔ ‘etsifi afamu hen no’ na ‘anaafo afamu hen no’ ntamu ho asɛm. (Daniel 11:25-45) Hwɛ video a wɔato dzin Nkɔnhyɛ A Wɔaba Mu​—Daniel Tsir 11 no, na ibohu siantsir a yebotum aka dɛ Russia nye aman a wɔka noho no nye etsifi afamu hen no. a

•   Nyikyerɛ nwoma no san so ka ɔko bi so ho asɛm. Ɔma yehu dɛ, wɔfrɛ dɛm ɔko no “Adze Nyina Do Tumfo, ne da kɛse ko no.” (Nyikyerɛ 16:14, 16) Naaso dɛm ɔko yi nnyɛ dza ɔbɔkɔ do wɔ aman ahorow bi ntamu dɛ mbrɛ yehu no ndɛ no. Sɛ epɛ dɛ ihu dɛm ɔko yi ho nsɛm pii a, kenkan asɛm a wɔato dzin “Ebɛnadze Nye Har-Magedon Ko No?”

•   Bible no ka dɛ Nyankopɔn bɛma ‘akodzi abɔ adze ekodu asaase ano.’ (Ndwom 46:9) Kenkan asɛm a wɔato dzin “A Real Hope for a Better Tomorrow,” na sua dɛm daakye fɛɛfɛw a Nyankopɔn ahyɛ ho bɔ yi ho adze pii.

•   Jesus kaa kyerɛɛ n’ekyirdzifo no dɛ wɔmbɔ mpaa dɛ Nyankopɔn n’Ahendzi no mbra. (Matthew 6:9, 10) Dɛm Ahendzi yi yɛ aban bi a ɔwɔ sor a ɔbɔhwɛ ma Nyankopɔn n’apɛdze ayɛ hɔ wɔ asaase yi do, na Nyankopɔn n’apɛdze no so bi nye dɛ asomdwee bɛba wiadze nyina. Sɛ epɛ dɛ ihu nhyira ahorow a dɛm Ahendzi yi dze bɛbrɛ wo no bi a, hwɛ video a wɔato dzin Nyankopɔn N’ahendzi No, Ɔyɛ Ebɛnadze?

 Jehovah Adasefo bɔbor 129,000 na wɔwɔ Ukraine. Na dɛ mbrɛ Jesus ammfa noho annhyehyɛ amanyɛsɛm mu no, dɛmara so na hɔn so wɔmmfa hɔnho nnhyehyɛ amanyɛsɛm mu. Na wɔnnkɔ ko so. (John 18:36) Jehovah Adasefo a wɔwɔ wiadze nyina gu do ara reka “ahenman ho asɛmpa” no. Na wɔgye dzi dɛ dɛm Ahendzi no na obeyi adasamba haw nyina a akodzi so ka ho no efi hɔ. (Matthew 24:14) Enyidado a Bible no ka ho asɛm no, sɛ epɛ dɛ isua pii fa ho a, enye hɛn ndzi nkitaho, na yɛbɛma obi nye wo ebosua Bible no.