‘Ka Asɛmpa No!’
2024 Jehovah Adasefo Ɔmantɔw Ehyiadzi
Irunntua hwee ana aba • Wɔnngyegye kɔlɛhyen biara
Dza Ɔbɔkɔ Do
Fida: Yebohu adanse a ɔkyerɛ dɛ Jesus n’asetsena mu nsɛm a ɔwɔ Nsɛmpa nwoma no mu no yɛ nokwar. Afei so, yebohu mfaso a yebotum enya efi Nsɛmpa nwoma no mu.
Memenda: Ebɛn nkɔnhyɛ ahorow na ɔfa Jesus n’awoo nye no mbofra ber mu ho? Ehwɛ a, dɛm nkɔnhyɛ ahorow yi baa mu?
Kwesida: Yebetsie Bible mu ɔkasa a n’asɛntsir dɛ “Yennsuro Akomatusɛm Biara—Ebɛnadze Ntsi A?” Yehu dɛ wiadze no agye nsamu koraa, naaso ne nyina ekyir no, nyimpa ɔpepem pii wɔ hɔ a wɔtse nka dɛ wɔwɔ bambɔ, na wɔgye dzi dɛ, daakye ndzɛmba bɛsesa ayɛ papa. Bible mu ɔkasa yi bɛma yehu siantsir a wɔtse nka dɛm.
Drama A Yɛbɔhwɛ
Jesus Ho Asɛmpa: Ɔfa 1
Nokwar Kan Ma Wiadze No
Nsɛntsitsir a osisii wɔ Jesus n’asetsena mu aber a nna ɔyɛ abofra no, dza odzi kan no fa anwanwa kwan a wɔfaa do woo no no ho. Nna ɔhen tsirmɔdzennyi bi repɛ no eku no, ntsi n’awofo dze no guanee kɔr Egypt. N’enyi fiir kakra no, ɔyɛɛ adze bi ma akyerɛkyerɛfo bi a wɔaben paa a nna wɔwɔ n’aber do no ho dwuruuw hɔn. Drama a ɔwɔ afa ebien a yɛbɔhwɛ no Fida na Memenda no, yebohu dza yɛaka ho asɛm yi na nsɛm afofor bi so a osisii wɔ Jesus n’asetsena mu.
Hwɛ afe yi ehyiadzi no ho video ahorow wɔ ase ha
Ebɛnadze Na Ɔkɔ Do Wɔ Hɛn Ɔmantɔw Ehyiadzi Ase?
Sɛ ekɔ Jehovah Adasefo ɔmantɔw ehyiadzi ase a, ebɛnadze na ibohu?
2024 Jehovah Adasefo Ɔmantɔw Ehyiadzi: ‘Ka Asɛmpa No!’
Hwɛ dza yebosua wɔ afe yi ɔmantɔw ehyiadzi no ase.
Hwɛ Drama A Yɛbɔhwɛ No Ho Mpopoe: Jesus Ho Asɛmpa
Nyimpa pii nyim anwanwa kwan a wɔfaa do woo Jesus. Naaso, ebɛn asɛm sii ana wɔrowo Jesus? N’awoo ekyir so, ebɛn asɛm sii?