Ẹnam JW Library man ẹsida ẹkot ẹnyụn̄ ẹkpep Bible.

Nam se itịn̄de ke idak emi man ekeme ndision̄o nnyụn̄ ntịm Bible emi osion̄ode mbon:

•  Sio Bible

•  Sio Bible Fep

•  Sion̄o Mbufa N̄kpọ Dọn̄ ke Bible

Emekeme ndision̄o nsio nsio Bible ke JW Library ndọn̄ ke fon m̀mê tablet fo man ekeme ndikot idem ke ama ọkọwọrọ ke Intanet.

• Tụk ebiet emi okụtde Bible man okụt nsio nsio n̄wed Bible.

• Tụk ebiet emi okụtde idiọn̄ọ Usem man okụt kpukpru Bible emi ẹdude ke JW Library. Mme usem emi esiwakde ndikụbọde ke edibem iso okụt. Omonyụn̄ ekeme nditaip enyịn̄ usem m̀mê enyịn̄ Bible emi oyomde do. Ke uwụtn̄kpọ, taip “int” man okụt Kingdom Interlinear, mîdịghe taip “port” man okụt kpukpru Bible emi odude ke usem Portuguese.

• Mme Bible emi ẹnyenede idiọn̄ọ ntọn̄enyọn̄ ẹdi mbon emi mûsion̄oke kan̄a udọn̄ ke fon m̀mê tablet fo. Tụk Bible emi oyomde man ọwọrọ odụk fon m̀mê tablet fo. Ama ososion̄o Bible emi, n̄kpọ oro etiede nte ntọn̄enyọn̄ do ididụhe aba. Fiak tụk Bible oro man enye okụbọde ọnọ fi okot.

Edieke mûkwe Bible emi oyomde, mbọk fiak se ini en̄wen. Ẹyedọn̄ mme Bible en̄wen ini ekededi oro mmọ ẹdude.

Emekeme ndisio Bible emi mûyomke aba mîdịghe osio man enyene ufan̄ ọdọn̄ n̄kpọ en̄wen.

Tụk n̄kpri ntọi ita oro ẹdade ẹdiana Bible emi oyomde ndisio mfep, ekem afo otụk Delete, emi ẹkotde ke Ikọ Efịk, Sio Fep.

Ke ini ke ini, ẹkeme ndikpụhọde n̄kpọ ke Bible emi okosion̄ode.

Edieke ẹkpụhọrede, oyokụt idiọn̄ọ emi ke Bible oro. Edieke otụkde Bible oro, ẹyedọhọ fi ke ẹkpụhọde n̄kpọ ke Bible oro oyomde ndikụbọde do. Tụk Download emi ẹkotde ke Ikọ Efịk, Sio man osion̄o obufa Bible oro, mîdịghe afo otụk Later emi ẹkotde ke Ikọ Efịk, Ini En̄wen, man aka iso okot enye emi ama okososion̄o.