Ndisin̄wam Mbon En̄wen Ayan̄wam Fi Akan Ndobo—Se Bible Etịn̄de
Mme owo ke ofụri ererimbot ẹsikop ndobo, ẹsinyụn̄ ẹkere ke mbon en̄wen idimaha ndidian idem ye mmimọ. Ndusụk nta mbiausọbọ ẹnịm ke ndisin̄wam mbon en̄wen edi n̄kpọ kiet oro ekemede ndin̄wam nnyịn ikan ndobo.
Mbon U.S. National Institutes of Health, ẹdọhọ ete: “Ndin̄wam mbon oro ẹyomde un̄wam ekeme ndinam uwem enem nnyịn, an̄wam ikan ndobo, inyụn̄ iyakke itie ikpọn̄ ikpọn̄.”
Bible etịn̄ se ikemede ndinam n̄n̄wam mbon en̄wen. Ndinam se Bible etịn̄de ekeme ndin̄wam nnyịn ikan ndobo.
Se afo ekemede ndinam
Sinọ owo n̄kpọ. Siyom ini du ye mme owo. Sima ndibuana se enyenede ye mbon en̄wen. Ama esinam ntre, eyenen̄ede enem mmọ, oyonyụn̄ an̄wam mbufo ẹdi ufan.
Item Bible: “Ẹsinọ owo n̄kpọ, ndien ẹyenọ mbufo n̄kpọ.”—Luke 6:38.
Da se enyenede n̄wam mbon en̄wen. Yom nsio nsio n̄kpọ oro ekemede ndinam n̄n̄wam mbon oro n̄kpọ mîsan̄ake ọfọn ye mmọ. Oro esịne ndinen̄ede n̄kpan̄ utọn̄ ke ini mmọ ẹtịn̄de se ifịnade mmọ mîdịghe anam n̄kpri n̄kpri n̄kpọ oro ẹkemede ndinam uwem afiak efere mmọ.
Item Bible: “Ata ufan amama ufan kpukpru ini.”—Mme N̄ke 17:17.
Edieke oyomde ndidiọn̄ọ n̄kpọ en̄wen oro akpanamde man enyene nti ufan, kot ibuotikọ emi “Ndikpere Mbonubon ye Mme Ufan Nnyịn.”
Ekeme Ndidi Ayama Mmọ Emi N̄ko
ENYỌN̄-UKPEME
Nọ Owo N̄kpọ Man Esịt Enem Fi
Ndinọ owo n̄kpọ ayanam esịt enem fi ye owo emi ọnọde n̄kpọ. Ndinọ owo n̄kpọ esinam mme owo ẹkpere kiet eken ẹnyụn̄ ẹkabade ẹdi ufan.
ẸDEMEDE!
Se Akpanamde Man Edi Eti Ufan
Ediwak owo ẹdọhọ ke ọfọn ndinyene nti ufan. Nso ke akpanam man afo ke idemfo edi eti ufan? Ibuotikọ emi eneme n̄kpọ inan̄ ke Bible emi edin̄wamde fi.
