Ikọ Hebrew emi, “Sheol” ye ikọ Greek emi, “Hades” ẹwọrọ Udi. Ikọ mbiba emi ke ẹkabade ke ndusụk Bible nte “hell.” (Psalm 16:10; Utom 2:27) Ediwak owo ẹnịm ke hell edi ebiet emi ikan̄ asakde, nte ẹwụtde ke ndise ufọkabasi emi. Edi idịghe se Bible ekpepde edi oro.

1. Mbon emi ẹdude ke hell ifiọkke n̄kpọ ndomokiet, inyụn̄ ikopke ubiak. ‘Mme akpan̄kpa ifiọkke baba n̄kpọ kiet. . . . Baba uduak, baba ifiọk, baba ọniọn̄ idụhe ke Udi.’—Ecclesiastes 9:5, 10.

2. Nti owo n̄ko ẹsika hell. Nti owo nte Jacob ye Job ẹma ẹdiọn̄ọ ke mmimọ iyaka hell.—Genesis 37:35; Job 14:13.

3. Utịp idiọkn̄kpọ edi n̄kpa, idịghe ndibọ ufen ke ikan̄ hell. “Ikpe idiọkn̄kpọ etebe owo emi ama akakpa.”—Rome 6:7.

4. Abasi unenikpe ikemeke nditụhọde owo ke nsinsi. (Deuteronomy 32:4) Ke ini Adam akanamde idiọkn̄kpọ, Abasi ọkọdọhọ ke ufen idiọkn̄kpọ esie edi n̄kpa. Abasi ọkọdọhọ enye ete: “Koro afo edide ntan, oyonyụn̄ afiak ke ntan.” (Genesis 3:19) Ekpedi Abasi ekesịn enye ke ikan̄ hell, ọwọrọ Abasi okosu nsu.

5. Akananam Abasi ikereke nditụhọde owo ke nsinsi. Ndidọhọ ke Abasi oyotụhọde mme owo ke ikan̄ hell iwụtke ke “Abasi edi ima” nte Bible ekpepde.—1 John 4:8; Jeremiah 7:31.