?Mi Save Prea From Wanem Samting?
Ansa we Baebol i givim
Yu save prea from eni samting we i laenap wetem tingting blong God long Baebol. Baebol i talem se: “Nomata wanem samting yumi askem long hem, mo sipos i laenap wetem samting we hem i wantem, hem i harem yumi.” (1 Jon 5:14) ?Yu save talemaot ol trabol blong yu long hem? Yes. Baebol i talem se: “Yufala i talemaot ol trabol blong yufala long hem.”—Ol Sam 62:8.
?Yu save askem wanem?
Bilif.—Luk 17:5.
Tabu spirit no paoa blong God, blong i givhan long yu blong mekem samting we i stret.—Luk 11:13.
Paoa, blong yu naf blong winim ol trabol mo blong yu naf blong stanap strong agensem ol samting we oli traem yu.—Filipae 4:13.
Pis long tingting mo kwaet tingting.—Filipae 4:6, 7.
Waes, blong yu naf blong mekem gudfala desisen.—Jemes 1:5.
Kakae blong evri dei.—Matiu 6:11.
Blong God i fogivim sin blong yu.—Matiu 6:12.
Maet Yu Laekem Hemia Tu
WAJTAOA
?Olsem Wanem Blong Mekem Se God i Harem Prea Blong Yu?
Yu save prea long bigfala voes o long tingting blong yu, nomata weples yu stap long hem o wetaem yu prea. Jisas i givim wan eksampol.
ESSENTIAL BIBLE TEACHINGS
?God i Stap Lesin Long Olgeta Prea?
?Olsem wanem sipos wan man we i tingbaot hem wan nomo i prea long God? ?Olsem wanem sipos wan hasban i stap spolem waef blong hem mo biaen i askem blesing blong God?
ANSA WE BAEBOL I GIVIM
?From Wanem God i No Lesin Long Sam Prea?
Lanem moa long saed blong ol prea we God i no ansarem mo wanem kaen man nao God i no lesin long prea blong olgeta.
