?Wanem tingting blong yu?

• Yes

• No

• Mi no save

Samting we Baebol i talem

“Yufala i mas lego ol wari blong yufala long [God], from we hem i stap tingbaot yufala.” (1 Pita 5:7) Baebol i talem se God i save halpem yumi blong yumi no moa wari.

Narafala samting we yumi lanem long Baebol

• Taem yumi prea, “pis ya blong God” i save mekem ol wari blong yumi i godaon. —Filipae 4:6, 7.

• Mo tu, taem yumi ridim Baebol, hemia i save mekem se yumi no tingting tumas.—Matiu 11:28-30.

Sam man oli ting se . . . ol wari oli pat blong laef blong ol man, be sam narafala oli ting se taem yumi ded mo yumi go long narafala ples, bambae yumi no moa wari. ?Wanem tingting blong yu?

Samting we Baebol i talem

God bambae i finisim ol samting we i mekem man i wari. “Bambae i no moa gat man i ded, mo bambae man i no moa krae from we hem i sore, mo bambae i no moa gat man i krae, mo bambae man i no moa harem nogud long bodi blong hem.”—Revelesen 21:4.

Narafala samting we yumi lanem long Baebol

• Kingdom blong God bambae i mekem se ol man oli harem gud long pis mo oli no moa wari.—Aesea 32:18.

• Ol man bae oli no moa wari.—Aesea 65:17.