Finshi Ubufumu bwa kwa Lesa Bukacita?

TINIKENI

Icasuko ca mu Baibolo

Ubufumu bwa kwa Lesa bukafumyapo amabufumu yonse aya bantunse kabili bukateka icalo conse. (Daniele 2:44) Ici nga cacitika, Ubufumu bwa kwa Lesa . . .

Bukafumyapo abantu babipa, abatucusha pa mulandu wa bukaitemwe. “Ababifi bakalofiwa mu calo.”—Amapinda 2:22.
Bukafumyapo inkondo. “[Lesa] alelenga inkondo ukupwa ukufika ku mpela sha pano isonde.”—Amalumbo 46:9.
Bukaleta umutende ne mikalile isuma. “Umuntu onse akekala mu mutende mwi samba lya mwangashi no mukunyu wakwe, tapakabe no wa kubatiinya.”—Mika 4:4, Good News Translation.
Bukalenga isonde likabe paradaise. “Amatololo ne mpanga yauma fikasekelela, kabili iciswebebe cikasansamuka no kubalula nga maluba ya ntongola.”—Esaya 35:1.
Bukalenga abantu bonse ukukwata incito ishisuma isho bakalatemwa ukubomba. “Umulimo wa minwe yabo abasalwa [ba kwa Lesa] bakasekelamo nga nshi. Tabakaculile apa fye.”—Esaya 65:21-23.
Bukafumyapo amalwele. “Takuli umwikashi uukatila: ‘Nindwala.’”—Esaya 33:24.
Bukafumyapo ubukote. “Lekeni umubili wakwe uleleme ukucila uwa mwaice; abwelele na ku nshiku sha bulumendo bwakwe.”—Yobo 33:25.
Bukalenga abafwa ukubuuka. “Bonse ababa mu nshiishi bakebukishiwa kabili bakomfwa ishiwi lyakwe no kufumamo.”—Yohane5:28, 29.

Amalyashi Ayapalileko

Baibolo Ubufumu bwa kwa Lesa Ukucula Amasuko ku Mepusho ya mu Baibolo

Nalimo Kuti Mwatemwako ne fi

AMASUKO KU MEPUSHO YA MU BAIBOLO

Umutende pe Sonde

AMALYASHI AYALEKANALEKANA

Isubilo lya Kuti Ifintu Fikawama ku Ntanshi lya Cine

Mulandu nshi ifyo amalayo yaba mu Baibolo yapusana ne fyo abantunse balaya no kusobela?

AMASAMBILISHO YA MU BAIBO AYACINDAMA

Bushe Ubufumu bwa kwa Lesa ni Cinshi?

Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.

ULUPUNGU LWA KWA KALINDA

Finshi Ubufumu bwa kwa Lesa Bukacita?

Yesu alishibe ukuti Ubufumu bwa kwa Lesa e bwingapwisha fye amafya pe sonde. Finshi ubu Bufumu bwacita pa kuti tushininkishe ukuti bukafumyapo amafya pe sonde?