75-СЕ ЙЫР
Мин әҙер! Ебәр мине!
(Ишағыя 6:8)
-
1. Күптәр Алла данын хурлай,
Уға ҡаршы ғәйеп ташлай.
«Көсһөҙ ул, рәхимһеҙ», — тиҙәр,
«Алла юҡ!» — тип ҡысҡыралар.
Кем Йәһүә данын яҡлар?
Кем исемен маҡтап йырлар?
ҠУШЫМТА 1
«Мине ебәр, Аллам, мине,
Маҡтап данлармын мин һине.
Минең өсөн был иң ҙур хөрмәт!
Мин әҙер! Ебәр мине!»
-
2. «Алла бик оҙаҡлай», — тиҙәр,
Унан һис ҡурҡмайҙар күптәр.
Улар һынға ла баш эйә,
Кешеләрҙе илаһ итә.
Алла көнө тиҙҙән килер,
Кем был хаҡта иғлан итер?
ҠУШЫМТА 2
«Мине ебәр, Аллам, мине,
Иғлан итермен көнөңдө.
Минең өсөн был иң ҙур хөрмәт!
Мин әҙер! Ебәр мине!»
-
3. Көндән-көн яуызлыҡ арта,
Йыуаш кеше ыҙалана,
Эҙләй күңеленә тынғы,
Таба алмай дөрөҫ юлды.
Кем һуң уға ярҙам итер?
Алла һүҙен кем еткерер?
ҠУШЫМТА 3
«Мине ебәр, Аллам, мине,
Хәбәр итермен һүҙеңде.
Минең өсөн был иң ҙур хөрмәт!
Мин әҙер! Ебәр мине!»
(Зәб. 10:4; Йәз. 9:4-те лә ҡара.)
