Zəbur 119:1—176
א [Alef]*
119 Nə xoşbəxtdir yolunda kamil olan,Yehovanın qanunu ilə addımlayan insan!+
2 Nə xoşbəxtdir Onun öyüdlərinə riayət edən,+Bütün qəlbi ilə Onu axtaran insan!+
3 Belələri haqsızlıq etməz,Onun yollarında addımlayar.+
4 Sən bizə əmr etdin ki,Buyruqlarına diqqətlə əməl edək.+
5 Qayda-qanununa riayət etmək üçün+Təki yolumda əzmlə dura biləydim,
6 O zaman bütün əmrlərini götür-qoy edəndəXəcalət çəkməzdim.+
7 Adil hökmlərini öyrəndikcəSəni sidqi-ürəkdən ucaldaram.
8 Qayda-qanununa riayət edərəm,Nə olar, məni büsbütün tərk etmə.
ב [Bet]
9 Cavan adam yolunu necə pak saxlaya bilər?
Sənin sözünə baxıb özünü gözləməklə.+
10 Mən bütün qəlbimlə Səni axtarıram,Qoyma əmrlərindən çıxım.+
11 Sözlərini qəlbimdə hifz edirəm ki,+Sənə qarşı günah etməyim.+
12 Sənə alqış olsun, ey Yehova,Mənə qayda-qanununu öyrət.
13 Ağzından çıxan bütün hökmləriDilimlə bəyan edirəm.
14 Dünyanın sərvətindən çoxSənin öyüdlərin mənə sevinc verir.+
15 Buyruqların barədə dərindən düşünərəm,+Sənin yollarından gözümü ayırmaram.+
16 Tələblərin mənə əzizdir,Sənin sözünü unutmaram.+
ג [Qimel]
17 Bu quluna yaxşılıq et,Qoy yaşayıb Sənin sözünə qulaq assın.+
18 Gözlərimi aç,Qoy qanunundakı gözəllikləri aydın görüm.
19 Bu diyarda bir qəribəm,+Əmrlərini məndən gizlətmə.
20 Daim hökmlərininİntizarını çəkirəm.
21 Sən əmrlərini pozanları,Lənətə gəlmiş lovğaları məhkum etdin.+
22 Həqarəti, nifrəti məndən kənar et,Axı öyüdlərinə əməl etmişəm.
23 Hətta başçılar toplaşıb əleyhimə danışandaBu qulun qayda-qanunun barədə düşünür.
24 Öyüdlərin mənə əzizdir,+Onlar məsləhətçimdir.+
ד [Dalet]
25 Canım torpağa sərilib,+Verdiyin sözə görə yaşat məni.+
26 Yollarımı Sənə bildirdim, mənə hay verdin.
Qayda-qanununu öyrət mənə.+
27 Buyruqlarının mənasını mənə anlat ki,Möhtəşəm işlərinin dərinliklərinə varım.+
28 Qəm-qüssə əlindən yata bilmirəm,Verdiyin sözə görə mənə qüvvət ver.
29 Qoyma yalan yola qədəm basım,+Mənə lütf göstər, qanununu öyrət.
30 Mən sədaqət yolunu seçmişəm,+Hökmlərini haqlı sayıram.
31 Öyüdlərinə sarılmışam,+Məni peşman eyləmə, ey Yehova.+
32 Əmrlərinin yolunda qaçacağam,Çünki Sən bu istəyi ürəyimə qoymusan*.
ה [He]
33 Ey Yehova, qayda-qanununun yolunu mənə öyrət,+Axıradək bu yolda yeriyərəm.+
34 Mənə dərrakə ver, qanununa riayət edim,Bütün qəlbimlə ona əməl edim.
35 Əmrlərinin yolunda mənə bələdçi ol,+Çünki onlardan həzz alıram.
36 Ürəyimi gəlir-qazanca yox,Öyüdlərinə tərəf yönəlt.+
37 Qoyma gözüm puç şeylərə baxsın,+Öz yolunda məni yaşat.
38 Quluna verdiyin sözü yerinə yetir,Qoy Səndən qorxsun*.
39 Qorxduğum biabırçılığı məndən sovuşdur,Axı hökmlərin doğrudur.+
40 Buyruqlarına necə də tamarzıyam,Doğruluğunla məni yaşat.
ו [Vav]
41 Ey Yehova, qoy məhəbbətini,+Vəd etdiyin qurtuluşu dadım.+
42 Onda mənə lağ edənin cavabını verərəm,Axı mən Sənin sözünə güvənirəm.
43 Həqiqət sözünü büsbütün dilimdən alma,Axı ümidimi Sənin hökmünə bağlamışam.
44 Qanununa həmişə bağlı qalacağam,Əbədiyyən.+
45 Arxayın gəzib-dolanacağam,+Çünki buyruqlarını arayıram.
46 Öyüdlərin barədə padşahların önündə danışaram,Əsla utanmaram.+
47 Əmrlərin mənə əzizdir,Onları sevirəm.+
48 Əmrlərini sevirəm, əllərimi onlara tərəf açaram,+Qayda-qanunun barədə dərindən düşünərəm.+
ז [Zayn]
49 Quluna verdiyin sözü yada sal,Onunla Sən mənə ümid vermisən.
50 Məni dərd sıxanda bundan təsəlli tapıram,+Çünki sözün məni yaşadır.
51 Məğrurlar mənə hədsiz həqarət edirlər,Amma mən Sənin qanunundan dönmürəm.+
52 Ey Yehova, əzəldən verdiyin hökmləri xatırlayıram,+Onlardan təskinlik tapıram.+
53 Qanununu tərk edən pislərə görəQəzəbim alışıb-yanır.+
54 Harada yaşasamQayda-qanunun mənim nəğməmdir.
55 Qanununla yaşamaq üçün,Ey Yehova, gecələr adını yada salıram.+
56 Bunu adət etmişəm,Çünki buyruqlarına əməl edirəm.
ח [Xet]
57 Ey Yehova, nəsibim Sənsən,+And içmişəm, sözündən çıxmaram.+
58 Bütün qəlbimlə Sənə yalvarıram,+Nə olar, söz verdiyin kimi mənə lütf göstər.+
59 Ömür yoluma nəzər saldım ki,Addımlarımı öyüdlərinə sarı döndərim.+
60 Əmrlərinə əməl etməyə tələsirəm,Ləngimərəm.+
61 Pislərin ipləri mənə sarınıb,Lakin mən qanununu unutmamışam.+
62 Gecə yarısı qalxıbAdil hökmlərinə görə Sənə şükür edirəm.+
63 Səndən qorxanlarla,Buyruqlarına əməl edənlərlə dostam.+
64 Ey Yehova, məhəbbətin dünyanı bürüyüb.+
Mənə qayda-qanununu öyrət.
ט [Tet]
65 Ey Yehova, Öz sözünə görəBu qulunla xoş rəftar etdin.
66 Mənə bəsirət və bilik aşıla,+Axı əmrlərinə bel bağlamışam.
67 Başım müsibət çəkməzdən əvvəl yolumu azırdım,İndi isə sözünə əməl edirəm.+
68 Sən kəramət sahibisən,+ işlərin də kəramətlidir.
Mənə qayda-qanununu öyrət.+
69 Məğrurlar mənə qara yaxır,Mən isə bütün qəlbimlə buyruqlarına əməl edirəm.
70 Onların ürəyi hissiyatsızdır,+Mənsə qanununu əziz tuturam.+
71 Əzaba qatlaşmağım xeyrimə oldu,+Belə ki, Sənin qayda-qanununu mənimsədim.
72 Ağzından çıxan qanun xeyrimədir,+Minlərlə qızıl-gümüşdən də qiymətlidir.+
י [Yud]
73 Məni Sənin əllərin yaratdı, mənə onlar şəkil verdi.
Mənə dərrakə ver ki, əmrlərini dərk edim.+
74 Səndən qorxanlar mənə baxıb sevinir,Çünki Sənin sözünə ümid bağlamışam.+
75 Hökmlərin haqdır, ey Yehova, bilirəm,+Məni cəzalandırmaqla da sədaqət göstərmisən.+
76 Bu quluna vəd etdiyin kimi,Məhəbbətin+ mənə təsəlli olsun.
77 Mənə mərhəmət göstər, qoy yaşayım,+Çünki qanunun mənə əzizdir.+
78 Qoy məğrurlar utansın,Çünki nahaqdan* mənə pislik edirlər.
Mən isə buyruqlarını düşünürəm.+
79 Qoy Səndən qorxanlar,Öyüdlərini bilənlər yanıma qayıtsın.
80 Qoy ürəyim qayda-qanununa kamil riayət etsin ki,+Heç xəcalət çəkməyim.+
כ [Kaf]
81 Xilasının həsrətindəyəm,+Axı Sənin sözünə ümid bağlamışam.
82 Gözüm sözünün intizarındadır,+Deyirəm: «Mənə nə vaxt təsəlli verəcəksən?»+
83 Tüstüdən qurumuş tuluq kimi olmuşam,Amma qayda-qanununu unutmuram.+
84 Bu qulun daha nə qədər gözləsin?
Məni təqib edənlərin cəzasını nə vaxt verəcəksən?+
85 Qanununu pozan məğrurlarMənə quyu qazırlar.
86 Bütün əmrlərin etibarlıdır.
Məni nahaq yerə təqib edirlər, imdadıma yetiş.+
87 Az qala məni yer üzündən yox edəcəkdilər,Amma mən buyruqlarını pozmadım.
88 Məhəbbətinlə məni yaşat,Qoy ağzından çıxan öyüdlərə əməl edim.
ל [Lamed]
89 Ey Yehova, Sənin sözün göylərdəƏbədi duracaq.+
90 Sədaqətin nəsildən-nəslə qalır.+
Yeri möhkəm qurmusan ki, durduqca-dursun.+
91 Hökmlərinə əsasən onlar bu gün də durur,Hamısı* Sənin qulluğundadır.
92 Əgər qanunun mənə əziz olmasaydı,Əzab-əziyyətdən məhv olub getmişdim.+
93 Buyruqlarını heç vaxt unutmaram,Çünki onlarla məni yaşadırsan.+
94 Mən Sənə məxsusam, mənə nicat ver,+Axı mən buyruqlarını aramışam.+
95 Şər adamlar öldürmək üçün məni güdürlər,Mən isə Sənin öyüdlərinə diqqət verirəm.
96 Hər cür kamilliyin həddini görmüşəm,Ancaq Sənin əmrin intəhasızdır*.
מ [Mem]
97 Qanununu elə sevirəm ki!+
Gecə-gündüz onu düşünürəm.+
98 Əmrlərin məni düşmənlərimdən ağıllı edir,+Çünki onlar əbədiyyən mənimlədir.
99 Müəllimlərimdən də zəkalı olmuşam,+Çünki öyüdlərinə fikir verirəm.
100 Ahıl adamlardan da müdrik davranıram,Çünki buyruqlarına əməl edirəm.
101 Hər cür pis yolu rədd edirəm ki,+Sənin sözünə bağlı qalım.
102 Hökmlərindən çıxmıram,Axı məni öyrədən Sənsən.
103 Sözlərin damağıma necə şirindir,Onlar ağzımda baldan da şirindir.+
104 Buyruqların sayəsində müdrik davranıram,+Hər cür əyri yola nifrət edirəm.+
נ [Nun]
105 Sözün addımlarıma çıraq,Yollarıma işıqdır.+
106 And içmişəm adil hökmlərinə əməl edim,Andımı yerinə yetirəcəyəm.
107 Böyük müsibət gördüm,+Sözünə görə məni yaşat, ey Yehova.+
108 Mədhlərdən gətirdiyim könüllü təqdimələri qəbul et, ey Yehova,+Hökmlərini mənə öyrət.+
109 Həyatım hər an təhlükədədir,Lakin qanununu unutmuram.+
110 Şər adamlar mənə tələ qurublar,Lakin mən buyruqlarından çıxmamışam.+
111 Öyüdlərini özümə miras edirəm,Çünki onlar qəlbimin sevincidir.+
112 Özüm üçün qərar vermişəm ki,Daima, sonadək qayda-qanununa tabe olum.
ס [Samex]
113 Ürəyi haçalanan adamlara nifrət edirəm,+Lakin qanununu sevirəm.+
114 Sən mənim pənahımsan, qalxanımsan,+Axı Sənin sözünə ümid bağlamışam.+
115 Məndən uzaq durun, siz, ey pislər,+Qoyun Allahımın əmrlərinə riayət edim.
116 Vəd etdiyin kimi mənə dayaq ol, yaşayım,+Qoyma ümidim boşa çıxsın.+
117 Mənə dayaq ol, qurtulum,+Onda gözümü qayda-qanununa dikərəm.+
118 Qayda-qanununu pozanları rədd edirsən,+Çünki onlar hiyləgər, saxtakardırlar.
119 Dünyanın bütün pislərini zibil* kimi yox edirsən,+Buna görə də öyüdlərini sevirəm.
120 Zəhmindən bədənim tir-tir əsir,Hökmlərindən qorxuram.
ע [Ayn]
121 Mən insafla, dürüstlüklə davranıram,Məni zülmkarlarıma təslim etmə.
122 Bu qulun xeyri üçün ona zamin dur,Qoyma məğrurlar mənə zülm etsin.
123 Qurtuluşunun, haqq vədinin intizarından+Gözümün kökü saralıb.+
124 Quluna məhəbbətini göstər,+Mənə qayda-qanununu öyrət.+
125 Mən Sənin qulunam. Mənə dərrakə ver ki,+Öyüdlərini qavrayım.
126 Yehovanın hərəkətə keçmək vaxtı yetişib,+Çünki onlar qanununu pozublar.
127 Əmrlərini qızıldan,Saf qızıldan da çox sevirəm.+
128 Buna görə Səndən gələn hər buyruq mənim üçün doğrudur;+Hər cür əyri yola nifrət edirəm.+
פ [Pe]
129 Öyüdlərin gözəldir,Buna görə də onlara əməl edirəm.
130 Sözün açıqlananda nur saçılır,+Naşı adama dərrakə verir.+
131 Ağzımı açıb ah çəkirəm,Çünki əmrlərini eşitməyin intizarındayam.+
132 Adını sevənlər üçün qoyduğun adətə görə,Mənə sarı dön, mənə lütf göstər.+
133 Sözünlə addımlarımı təhlükəsiz yola yönəlt,Qoy heç bir pislik mənə ağalıq etməsin.+
134 Zülmkarların əlindən məni qurtar,Sənin buyruqlarına əməl edəcəyəm.
135 Üzünün nurunu qulunun üstünə sal,+Qayda-qanununu mənə öyrət.
136 Göz yaşlarım sel kimi axır,Çünki insanlar qanununa tabe olmur.+
צ [Tsade]
137 Sən haqsan, ey Yehova,+Hökmlərin də haqq.+
138 Öyüdlərin haqqdır,Tam etibarlıdır.
139 Qeyrətim məni yandırıb-yaxır,+Çünki rəqiblərim Sənin sözlərini unudublar.
140 Sənin sözün büsbütün safdır,+Qulun onu sevir.+
141 Məni saymırlar, həqarətlə baxırlar,+Amma mən buyruqlarını unutmadım.
142 Ədalətin əbədi ədalətdir,+Qanunun həqiqətdir.+
143 Başıma dərd-bəla gəlsə də,Əmrlərin mənim üçün əzizdir.
144 Öyüdlərinin doğruluğu əbədidir.
Mənə dərrakə ver,+ qoy yaşayım.
ק [Kof]
145 Bütün qəlbimlə yalvarıram, ey Yehova, mənə hay ver.
Qayda-qanununa əməl edərəm.
146 Səni səsləyirəm, qurtar məni!
Sənin öyüdlərinə qulaq asaram.
147 Dan yeri sökülməmiş oyanıb Səndən imdad diləyirəm.+
Axı Sənin sözlərinə ümid bağlamışam.
148 Gecə yarısı oyanıram ki,Verdiyin söz haqqında düşünüm.+
149 Məhəbbətin naminə səsimi eşit,+Ey Yehova, ədalətinlə məni yaşat.
150 Pozğunluq düşkünləri mənə yaxınlaşır,Onlar Sənin qanunundan uzaqdırlar.
151 Ey Yehova, Sən mənə yaxınsan,+Bütün əmrlərin həqiqətdir.+
152 Öyüdlərini əbədilik bərqərar etmisən,Bunu çoxdan öyrənmişəm.+
ר [Reyş]
153 Əzab-əziyyətimi gör, məni qurtar,+Axı qanununu unutmadım.
154 Məni müdafiə et, məni qurtar,+Vəd etdiyin kimi məni yaşat.
155 Şər adamlar qurtuluş görməyəcək,Çünki onlar qayda-qanununu axtarmırlar.+
156 Mərhəmətin böyükdür, ey Yehova,+Ədalətinə görə məni yaşat.
157 Mənə zülm edən, mənə düşmən kəsilən çoxdur,+Amma mən öyüdlərindən ayrılmadım.
158 Xainlərə ikrahla baxıram,Çünki Sənin sözünə əməl etmirlər.+
159 Gör buyruqlarını nə qədər sevirəm!
Ey Yehova, məhəbbətinlə məni yaşat.+
160 Sözünün bünövrəsi həqiqətdir,+Bütün adil hökmlərin əbədidir.
ש [Sin], yaxud [Şin]
161 Sərdarlar nahaqdan məni təqib edir,+Mənimsə ürəyim Sənin sözlərindən qorxur.+
162 Böyük xəzinə tapan adam kimiSənin sözlərinə sevinirəm.+
163 Yalana nifrət edirəm, ikrah edirəm,+Qanununu isə sevirəm.+
164 Adil hökmlərindən ötrüGündə yeddi dəfə Sənə alqış edirəm.
165 Qanununu sevənlərin əmin-amanlığı boldur,+Onları heç nə büdrətməz.
166 Qurtuluşuna ümid edirəm, ey Yehova,Əmrlərini yerinə yetirirəm.
167 Öyüdlərinə qulaq asıram,Onları elə sevirəm ki!+
168 Buyruqlarına, öyüdlərinə əməl edirəm,Bütün yollarımdan xəbərdarsan.+
ת [Tav]
169 Qoy fəryadım Sənə yetişsin, Yehova,+Dediyin kimi mənə ağıl-kamal ver.+
170 Qoy iltifat diləyim dərgahına qalxsın.
Vəd etdiyin kimi mənə nicat ver.
171 Qoy dodaqlarımdan Sənə mədhlər tökülsün,+Çünki mənə qayda-qanununu öyrədirsən.
172 Qoy dilim sözlərini nəğmədə oxusun,+Çünki bütün əmrlərin salehdir.
173 Qoy əlin köməyim olsun,+Çünki buyruqlarına tabe olmağı seçmişəm.+
174 Ey Yehova, qurtuluşunun intizarındayam,Qanunun mənə əzizdir.+
175 Yaşat məni, qoy Səni mədh edim,+Qoy hökmlərin köməyim olsun.
176 İtmiş qoyun kimi azmışam;+ bu qulunu axtar,Axı Sənin əmrlərini unutmamışam.+
Haşiyələr
^ İbrani əlifbasının ilk hərfidir. Bu məzmur orijinal mətndə əlifba sırası ilə yazılmışdır.
^ Digər variant: Sən mənim ürəyimə əminlik verirsən.
^ Digər variant: Səndən qorxanlara verdiyin sözü.
^ Digər variant: yalanlarla.
^ Yəni Allahın yaratdıqları.
^ Hərfən: çox genişdir.
^ Hərfən: posa (filiz əridiləndə ayrılan qalıq).