መጋቢት 1, 2024
ሩሲያ

ወንድም አሌክሳንደር ቻጋን የስምንት ዓመት እስራት ተፈረደበት

አጫውት

የካቲት 29, 2024 በሰማረ ክልል በቶልያቲ የሴንትራልኒ አውራጃ ፍርድ ቤት ወንድም አሌክሳንደር ቻጋን ጥፋተኛ ነው በማለት የስምንት ዓመት እስራት ፈረደበት። አሌክሳንደር ከፍርድ ቤት ወዲያውኑ ወደ እስር ቤት ተወስዷል።

አጭር መግለጫ

አሌክሳንደር ቻጋን

የትውልድ ዘመን፦ 1971 (ዩክሬን)

ግለ ታሪክ፦ የኮምፒውተር ፕሮግራመር ሆኖ ይሠራ ነበር

የሕይወት ዓላማ ምን እንደሆነ ለማወቅ ይፈልግ ነበር። ከይሖዋ ምሥክሮች ጋር መጽሐፍ ቅዱስን ሲያጠና ለጥያቄዎቹ አጥጋቢ መልስ አገኘ። በ2001 ተጠመቀ

በ2008 ከየካተሪና ጋር ትዳር መሠረተ

የሰጠው ሐሳብ a

ከፍርድ ሂደቱ ጋር በተያያዘ በጣም የከበደህ ነገር ምንድን ነው?

የክሱን ሰነድ ማንበብ በጣም ይከብደኛል፤ ምክንያቱም ስለ እኔም ሆነ ስለ ይሖዋ ሕዝቦች በጣም ብዙ ውሸትና አሉታዊ መረጃ ይዟል። ይሖዋ ለፍርድ ሂደቱ ለመዘጋጀት የሚያስችል ጥንካሬና ፍላጎት እንዲሰጠኝ አዘውትሬ እጠይቀዋለሁ። በ2 ነገሥት 13:18 ላይ የሚገኘው ዘገባ ረድቶኛል። ኤልሳዕ ቀስቶችን ይዞ መሬቱን እንዲወጋ ለንጉሥ ኢዮዓስ ነግሮት ነበር። ኢዮዓስ ግን መሬቱን የወጋው ሦስት ጊዜ ብቻ ነው፤ ይህም ቅንዓትና ቁርጠኝነት እንደሚጎድለው ያሳያል። ለምሥራቹ ጥብቅና በመቆም ረገድ የምጫወተው ሚና እንዳለ እገነዘባለሁ። ስለዚህ ተስፋ መቁረጥ የለብኝም፤ እንዲሁም ፍርድ ቤት በምቀርብበት ጊዜ በደንብ ለመዘጋጀት በትጋት ጥረት ማድረግ ይኖርብኛል። በይሖዋ እርዳታ እንዲሁም ወንድሞችና እህቶች እኔን አስመልክቶ በሚያቀርቡት ልባዊ ጸሎት አማካኝነት እንደሚሳካልኝ አውቃለሁ።

ይሖዋ በአሌክሳንደርም ሆነ ለስሙ ያላቸውን ቅንዓት ይዘው በሚቀጥሉ ሁሉ ላይ ‘ፊቱን እንዲያበራ’ እንጸልያለን።—መዝሙር 119:135, 139

የክሱ ሂደት

መጋቢት 4, 2022

ቤቱ ተፈተሸ
መስከረም 14, 2022

የወንጀል ክስ ተመሠረተበት
መስከረም 21, 2022

ቤቱ ለሁለተኛ ጊዜ ተፈተሸ
መስከረም 22, 2022

የወንጀል ምርመራ ተደረገበት፤ እንዲሁም ጣቢያ አደረ
መስከረም 23, 2022

ከጣቢያ ተለቆ የጉዞ ገደብ ተጣለበት
ነሐሴ 23, 2023

ክሱ በፍርድ ቤት መታየት ጀመረ
የካቲት 29, 2024

ጥፋተኛ ነው ተብሎ የስምንት ዓመት እስራት ተፈረደበት

a ወንድም ቻጋን ይህን ሐሳብ የሰጠው ከፍርድ ቤቱ ውሳኔ በፊት ነው።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች