ታኅሣሥ 14, 2023 | የታደሰው፦ ጥር 30, 2024
ሩሲያ

ወቅታዊ መረጃ—ወንድሞች ታሰሩ | “ቁልፉ በይሖዋ መታመን ነው”

አጫውት

ጥር 25, 2024በሳማራ የሚገኘው የሳማርስኪ አውራጃ ፍርድ ቤት ወንድም አራም ዳኒዬልያን፣ ወንድም ዴኒስ ኩዝያኒን፣ ወንድም ሰርጌ ፖሎሴንኮ እና ወንድም ኒኮላይ ቫሲሊዬቭ ጥፋተኛ ናቸው የሚል ብይን አስተላልፏል። እያንዳንዳቸው የሰባት ዓመት እስራት ተፈርዶባቸዋል። ከፍርድ ቤት ወዲያውኑ ወደ ወህኒ ተወስደዋል።

አጭር መግለጫ

አራም ዳኒዬልያን

ትውልድ፦ 1990 (አርሜንያ)

ግለ ታሪክ፦ የስድስት ወር ልጅ ሳለ ቤተሰቡ ወደ ሩሲያ ተዛውሮ መኖር ጀመረ

በግንባታና በዕቃ ግዢ ዘርፍ ሠርቷል

መጽሐፍ ቅዱስን ያስተማሩት አክስቱና እናቱ ናቸው። ይሖዋ ለጸሎቱ መልስ እንደሚሰጠው ሲያስተውል ለእሱ ያለው ፍቅር ይበልጥ ጨመረ። በ2011 ተጠምቆ የይሖዋ ምሥክር ሆነ

በ2017 ከኤሊና ጋር ትዳር መሠረተ። አንድ ወንድ ልጅ አላቸው

የሰጠው ሐሳብ

ለተስፋ መቁረጥ እጅ እንዳትሰጥ የረዳህ ምንድን ነው?

ስላለሁበት ሁኔታ እያሰብኩ በሐዘን የምዋጥበት ጊዜ አለ። ሆኖም እንዲህ ያሉት አጋጣሚዎች፣ የይሖዋ አገልጋይ የሆንኩት በራሴ ምርጫ እንደሆነ እንዳስታውስ ያደርጉኛል። ስደትን ስለፈራሁ ብቻ ይሖዋን ማምለኬን ባቆም መጨረሻዬ ምን ሊሆን ነው? የይሖዋን ስም በማሳወቁና በማስቀደሱ ሥራ ላይ የእኔም እጅ እንዳለበት ሳስብ በጣም እደሰታለሁ። አይደለም እስር ሞት እንኳ ቢመጣ ይሖዋን ማገልገሌን እንደማላቆም ለሰይጣን ለማሳየት ቆርጫለሁ።

ዴኒስ ኩዝያኒን

ትውልድ፦ 1984 (ኖሪልስክ፣ ክራስኖያርስክ ክልል)

ግለ ታሪክ፦ የሚተዳደረው የግል ሥራ በመሥራት ነው

ዴኒስ የአሥር ዓመት ልጅ ሳለ እሱና እናቱ ከይሖዋ ምሥክሮች ጋር መጽሐፍ ቅዱስን ማጥናት ጀመሩ። በ2001 ተጠመቀ

በ2012 ከየሌና ጋር ትዳር መሠረተ። አንዲት ሴት ልጅ አላቸው

የሰጠው ሐሳብ

ስላጋጠመህ ፈታኝ ሁኔታ ተገቢውን አመለካከት እንድትይዝ የረዳህ የትኛው የመጽሐፍ ቅዱስ ዘገባ ነው?

የኢዮብ መጽሐፍ ለእኔ ልዩ ትርጉም አለው። ከምዕራፍ 38 ጀምሮ ይሖዋ ፍጥረታትን ለመፍጠር ስለተጠቀመበት ኃይል ለኢዮብ ገልጾለታል። ይሖዋ ባደረጋቸውና ሊያደርጋቸው በሚችላቸው ነገሮች ላይ ማሰላሰሌ ስላለሁበት ሁኔታ ሚዛናዊ አመለካከት እንዲኖረኝ ረድቶኛል። ትልቅ ቦታ የሚሰጠው ለይሖዋ ታዛዥ መሆኔ እንደሆነ አስገንዝቦኛል። የይሖዋን ሞገስ እስካገኘሁ ድረስ የሚያጋጥሙኝ ፈተናዎች ሁሉ እዚህ ግቡ የሚባሉ አይደሉም።

ሰርጌ ፖሎሴንኮ

ትውልድ፦ 1968 (ኡዝቤኪስታን)

ግለ ታሪክ፦ የውበት ሳሎን ውስጥ የሥራ ኃላፊ ሆኖ ሠርቷል

በ1993 ከሊዲያ ጋር ትዳር መሠረተ

ያደገው በይሖዋ ምሥክሮች ቤተሰብ ውስጥ ሲሆን በ1982 ተጠመቀ

የሰጠው ሐሳብ

በማረፊያ ቤት ያሳለፍከው ጊዜ ከይሖዋ ጋር ባለህ ግንኙነት ላይ ምን ተጽዕኖ አሳድሯል?

ማረፊያ ቤት ውስጥ፣ ያለሁበትን ሁኔታ ለመቀየር ማድረግ የምችለው ምንም ነገር አልነበረም። ያለኝ ይሖዋ ብቻ ነበር። ይሖዋ ጠባቂ፣ ረዳት፣ ከሁሉ በላይ ደግሞ ወዳጅ ሆኖልኛል። በዚያ በነበርኩበት ጊዜ ሁሉ ከጎኔ እንዳልተለየ አስተውያለሁ። የይሖዋ ወዳጅ መሆኔ የደህንነትና የመረጋጋት ስሜት እንዲሰማኝ አድርጓል። ሁኔታዬ በተቀየረ ቁጥር ይሖዋ ስለ ባሕርያቱ አዳዲስ ነገሮችን ማወቅ እንድችል ረድቶኛል። ለዚህም በጣም አመሰግነዋለሁ።

ኒኮላይ ቫሲሊዬቭ

ትውልድ፦ 1984 (አይሻ፣ ታታርስታን ሪፑብሊክ)

ግለ ታሪክ፦ የኮምፒውተር ፕሮግራመር ሆኖ ሠርቷል

በአምላክ አያምንም ነበር። መጽሐፍ ቅዱስን ካጠና በኋላ ግን ትምህርቶቹ ምክንያታዊ እንደሆኑ ያስተዋለ ሲሆን አምላክ መኖሩንም አመነ። በ2005 ተጠመቀ

የሰጠው ሐሳብ

በይሖዋ ላይ ያለህን ትምክህት ይዘህ እንድትቀጥል የረዳህ ምንድን ነው?

የሚገርመው ወደ ማረፊያ ቤት ከመግባቴ በፊት እስር ቤት መግባት በጣም ያስፈራኝ ነበር። አሁን ግን እስር ቤት መግባት ምን እንደሚመስልና ይሖዋ እንዴት እንደረዳኝ ስላየሁ ያ ፍርሃት ከውስጤ ጠፍቷል። የክሱ ሂደት ለምን ያህል ጊዜ እንደሚቆይና ፍርዱ ምን ሊሆን እንደሚችል አለማወቄ ቢያሳስበኝም ይሖዋ መቼም ቢሆን ከጎኔ እንደማይለይ አውቃለሁ። የአእምሮ ሰላም ለማግኘትና ስለ መጪው ጊዜ አዎንታዊ አመለካከት ለመያዝ ቁልፉ በይሖዋ መታመን ነው።

ይሖዋ በእምነታቸው ምክንያት ስደት እየደረሰባቸው ያሉትን ሁሉ ማጽናናቱን በመቀጠል ‘መልካም የሆነውን ነገር እንዲያደርጉና እንዲናገሩ እንደሚያጸናቸው’ ሙሉ እምነት አለን።—2 ተሰሎንቄ 2:16, 17

የክሱ ሂደት

ታኅሣሥ 14, 2021

በዴኒስ፣ በኒኮላይ እና በሰርጌ ላይ የወንጀል ክስ ተመሠረተ
ታኅሣሥ 15, 2021

የዴኒስ፣ የኒኮላይ እና የሰርጌ ቤት ተፈተሸ። በቁጥጥር ሥር ውለው ወደ ጊዜያዊ ማቆያ ጣቢያ ተወሰዱ
ታኅሣሥ 16, 2021

ዴኒስ፣ ኒኮላይ እና ሰርጌ ወደ ማረፊያ ቤት ተዛወሩ
ጥር 6, 2022

በአራም ላይ የወንጀል ክስ ተመሠረተ። አየር መንገድ ውስጥ በቁጥጥር ሥር ዋለ
ጥር 7, 2022

አራም ማረፊያ ቤት ገባ
ታኅሣሥ 12-14, 2022

አራቱም ወንድሞች ከማረፊያ ቤት ተለቀው የጉዞ ገደብ ተጣለባቸው
ሰኔ 16, 2023

ጉዳያቸው በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች