ነሐሴ 25, 2023 | የታደሰው፦ ሚያዝያ 4, 2024
ሩሲያ

ወቅታዊ መረጃ—ወንድም ተፈረደበት | “ከይሖዋ ጋር ካለኝ ወዳጅነት የበለጠ ደስታ የሚሰጠኝ ነገር የለም”

አጫውት

ሚያዝያ 3, 2024 በክራስኖዳር ክልል የሚገኘው የጎርያቼክልዩቼቭስኮይ ከተማ ፍርድ ቤት፣ በወንድም ፓቬል ሲዶሬንኮ ላይ የጥፋተኝነት ብይን አስተላልፏል፤ የሦስት ዓመት የገደብ እስራትም በይኖበታል። በአሁኑ ወቅት ወህኒ አይወርድም።

አጭር መግለጫ

ፓቬል ሲዶሬንኮ

ትውልድ፦ 1958 (ክሪምስክ፣ ክራስኖዳር ክልል)

ግለ ታሪክ፦ መካኒካል መሐንዲስ ሆኖ ሠርቷል

በ1981 ማሪናን አገባ። አንዲት ሴት ልጅ አለቻቸው

የሕይወትን አመጣጥ በተመለከተ ለነበረው ጥያቄ የይሖዋ ምሥክሮች ከመጽሐፍ ቅዱስ መልስ ሲሰጡት ስለ እነሱ ይበልጥ ለማወቅ ፍላጎት አደረበት። እሱና ማሪና በ1991 ተጠመቁ

የሰጠው ሐሳብ

በዚህ አስቸጋሪ ጊዜ ማበረታቻ የሰጠህ የትኛው የመጽሐፍ ቅዱስ ጥቅስ ነው?

ሮም 8:38, 39 ላይ ያለው ሐሳብ በጣም ጠቅሞኛል፤ ጥቅሱ እንዲህ ይላል፦ “ሞትም ቢሆን፣ ሕይወትም ቢሆን፣ መላእክትም ቢሆኑ፣ መንግሥታትም ቢሆኑ፣ አሁን ያሉት ነገሮችም ቢሆኑ፣ ወደፊት የሚመጡት ነገሮችም ቢሆኑ፣ ማንኛውም ኃይል ቢሆን፣ ከፍታም ቢሆን፣ ዝቅታም ቢሆን፣ ሌላ ማንኛውም ፍጥረት ቢሆን [ከአምላክ] ፍቅር ሊለየን እንደማይችል ሙሉ በሙሉ እርግጠኛ ነኝ።” ይህ ጥቅስ፣ የይሖዋ ፍቅር ፈጽሞ የማይነጥፍ መሆኑን ስለሚያረጋግጥልኝ ያበረታታኛል። እሱ ያለሁበትን ሁኔታ ያውቃል፤ ስሜቴንም ይረዳልኛል። ከይሖዋ ጋር ካለኝ ወዳጅነት የበለጠ ደስታ የሚሰጠኝ ነገር የለም።

እንደ ፓቬል ሁሉ እኛም “የሕይወትን መንገድ” ተከትለን ለመኖር የምናደርገው ጥረት ደስታ እንደሚያስገኝልን ስናስብ ልባችን በሐሴት ይሞላል።—መዝሙር 16:11

የክሱ ሂደት

ጥር 26, 2022

የክስ ፋይል ተከፈተበት
ጥር 28, 2022

ቤቱ ተፈተሸ እንዲሁም ምርመራ ከተደረገበት በኋላ የጉዞ ገደብ ተጣለበት
መጋቢት 22, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች