ሚያዝያ 27, 2023
ሩሲያ

“ምንም ነገር አልጎደለብንም”

አጫውት

“ምንም ነገር አልጎደለብንም”

በአልታይ ሪፑብሊክ የሚገኘው የማይሚንስኪ አውራጃ ፍርድ ቤት፣ ከወንድም ሰርጌ ፒትርዬንኮ ጉዳይ ጋር በተያያዘ በቅርቡ ፍርድ እንደሚያስተላልፍ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

ሰርጌ ፒትርዬንኮ

የትውልድ ዘመን፦ 1979 (ኡላን-ኡዴ፣ ቡርያቲያ ሪፑብሊክ)

ግለ ታሪክ፦ የብየዳና የሕንፃ ጥገና ሥራ ሠርቷል

እሱና ቤተሰቡ መጽሐፍ ቅዱስን ከይሖዋ ምሥክሮች ጋር ማጥናት ጀመሩ። በተለይ ስለ ትንሣኤ ተስፋ የተማረው ነገር ልቡን ነካው። በ1996 ተጠመቀ

በ2013 ከኡሊያና ጋር ትዳር መሠረተ

የሰጠው ሐሳብ

ይሖዋ አንተንም ሆነ ቤተሰብህን የደገፋችሁ እንዴት ነው?

ክሱ ከተመሠረተብኝ ከተወሰኑ ወራት በኋላ አሠሪዎቼ ሁኔታው ስላላማራቸው ሥራዬን እንድለቅ ጠየቁኝ። ይህ ደግሞ የቤተሰቤን ቁሳዊ ፍላጎት ማሟላት ይበልጥ ከባድ እንዲሆንብኝ አድርጓል። ሆኖም ይህ ሁኔታ ይበልጥ በይሖዋ እንድታመንና እየረዳኝ ያለው እንዴት እንደሆነ እንዳስተውል ረድቶኛል። ለምሳሌ በአካባቢያችን ያሉ ወንድሞችና እህቶች በእጅጉ ረድተውናል። ይጸልዩልን፣ ፍርድ ቤት በምቀርብበት ወቅት ሊደግፉኝ ይመጡ አልፎ ተርፎም ቁሳዊ ድጋፍ ያደርጉልን ነበር። ክስ ከተመሠረተብኝ ጊዜ አንስቶ ምንም ነገር አልጎደለብንም።

እኛም ልክ እንደ ሰርጌ፣ በታማኝነት እስከጸናን ድረስ ይሖዋ ምንጊዜም ድጋፍ እንደሚሆንልን እርግጠኞች ነን።—2 ሳሙኤል 22:19, 20

የክሱ ሂደት

ጥር 16, 2022

ቤቱ ተፈተሸ
ሐምሌ 28, 2022

የወንጀል ክስ ተመሠረተበት
ታኅሣሥ 7, 2022

የጉዞ እገዳ ተጣለበት
ታኅሣሥ 22, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች