Ɩ́dɩ tanɩ kɛɛ ekeɣizia sianti mɔɔ enii wu nɩ, titili mmɩlɩ mɔ wʋ dɔvʋlɔ be wu nɩ. Bayɩbʋlʋ yɩ kã kɛɛ: ‘Tanɩ ti yɛ owulo kũ enii a.’​—1 Kɔlɛntɩmaa 15:56.

Mɩnla ti mɔ mmenii munwala yɛ tanɩ na bowu a?

 Mmenii mɔɔ beli bɔmʋnlɩ, Adamɩ nɩɩ Yifi yɛlɩ tanɩ diyialɩ Nyamɩnlɩ, eyi ti bɔ nnwʋanlɩ vili bɛ sa. (Gyɛnɛsɩsɩ 3:17-19) Owulo la yɛ ɩzʋ̃ bɛ azʋ̃nzɩzɩbɛ mɔɔ bɛyɛlɩ bediyialɩ Nyamɩnlɩ yi nu ɩɣalɩ a, iluwakɛɛ Nyamɩnlɩ yɩ kɛnɩ yɛ “nnwʋanlɩ zʋ̃ a.”​—Ndwomi 36:9; Gyɛnɛsɩsɩ 2:17.

 Adamɩ yɩ tanɩ nɩ hanlɩ yɩ tʋ maa munwala. Bayɩbʋlʋ yɩ kã kɛɛ: “Iluwa enii ɔkʋ̃ zʋ, tanɩ ɣalɩ oyuwadɩ na owulo luwalɩ tanɩ zʋ ɣalɩ, ma ɩdɛlɛlɩ ɩhanlɩ mmenii munwatĩĩ iluwakɛɛ bo munwala bɛyɛ tanɩ.” (Wulomimaa 5:12) Mmenii munwala wu iluwakɛɛ bo munwala bɛyɛ tanɩ.​—Wulomimaa 3:23.

Kezimɔ bokodu owulo tʋ

 Nyamɩnlɩ bɔ anʋhʋba kɛɛ mmɩlɩ be kɛɣa mɔɔ “ɩkɛmɩ owulo daabaa.” (Ayɩzaya 25:8) Mɔɔ ɩkɛyɛ na ɩayɩ owulo wɔ kɛnɩ nɩ, ɩsɛ kɛɛ itu tanɩ mɔɔ ɩfa owulo ɩba nɩ yɩ tʋ. Meti Nyamɩnlɩ koluwa Gyisɛsɩ Kɩlayɩsɩ mɔɔ “ɩyɩ oyuwadɩ tanɩ ɩkɔ nɩ” yɩ zʋ ikodu owulo tʋ.​—Dwɔɔnʋ 1:29; 1 Dwɔɔnʋ 1:7.