Ziazia Kekeapai, i ayambaha a nga Baibiri, na dungu afugo rogoho nga ga tatamana. Wa vura duhe wo, mo bingo gupai Ziazia Kekeapai agumbaha ni tihe tipa ha nga: “Ziazia Kekeapai dunduko si aye be ga Mbori Toro.” (2 Timoteo 3:16) Badungu agopai duho nasongoda gipai re. Mo makianga agi apai du kusende re:

• Boro ho natikango na diabese kuti pa wai du agu apangbanga du vuru Ziazia Kekeapai yo ni ruruhe te.

• Abakeke Ziazia Kekeapai angia airarengo i aokanga pai ho i akehe ni te. Pa gumba yo rengo nasa gayo kekeapai si du ni gupai nagumba kina ku rengo dunduko.

• Ziazia Kekeapai na riipai sa rogoho: pa dia gbarasarimo kusayo ti gu rengo du Mbori na ni ka zoga aboro gbiati pa digiso gako ringbisapai vurube gu gako Kindo du ngbangbaturũ yo.

• Wa vura duhe nga i ake Ziazia Kekeapai akutu agarã kusayo, si na gu iraira aberãpai rogoho tipa birĩ-inohe nga gu aboro adu na ni bakuru kusayo te.

• Agu apangbanga i nakekehe nayugo gu gopai nga, ga Ziazia Kekeapai sangbanebi ima da ti rengo.