地球点解会有罪恶呢？因为撒但讲咗第一个大话。撒但本来系个完美嘅天使，但系后来就冇按照真理去做。（约翰福音8:44）虽然只有上帝先配受人崇拜，但系撒但想人崇拜佢，就好似崇拜上帝噉。佢向世上第一个女人夏娃讲大话，仲说服夏娃听从佢而唔听从上帝。亚当亦跟住夏娃唔听上帝话，由于亚当嘅错误决定，结果人就开始受苦，仲会死去。 请读创世记3:1-6,19

上帝嘅地位系最高嘅。不过撒但暗示，夏娃可以唔使听上帝嘅话。佢噉样做就等于反叛上帝，对抗上帝嘅统治权。大部分人都跟从撒但拒绝接受上帝嘅统治。结果，撒但就成为“统治全世界嘅王”。 请读约翰福音14:30；约翰一书5:19

上帝所造嘅一切都系完美嘅，佢所造嘅天使同人都有能力照佢嘅话做到最好，可以完全忠于上帝。（申命记32:4,5）上帝创造人嗰时，俾人有自由意志，可以选择做啱嘅事或者做错嘅事。呢种自由使我哋有机会表明自己爱上帝。 请读雅各书1:13-15；约翰一书5:3

点解上帝容许叛徒反叛佢嘅至高统治权一段时间呢？噉系为咗证明，人如果唔接受上帝嘅统治，就点努力都唔能够为自己带嚟真正嘅快乐。（传道书7:29；8:9）六千年来，人类嘅历史清楚表明，人间嘅 统治者系唔能够消除罪恶、战争、疾病同唔公平呢一切难题嘅。 请读耶利米书10:23；罗马书9:17

上帝嘅统治就完全唔同嘞，能够为接受佢统治嘅人带嚟快乐。（以赛亚书48:17,18）上帝好快就会消灭世上嘅所有政府。到时，只有选择接受上帝统治嘅人先至能够喺地上生活。（以赛亚书11:9） 请读但以理书2:44

请观看短片《点解上帝容许苦难存在？》

撒但声称，人崇拜上帝唔系因为爱上帝，而系为咗自己嘅好处。你想唔想证明撒但系讲大话呢？如果你想，就一定能够做到。上帝表现耐心，令我哋有机会表明自己系喜欢上帝嘅统治，抑或系人嘅统治。通过我哋选择嘅生活方式，就可以表明自己支持边一方。 请读约伯记1:8-12；箴言27:11

我哋选择学习圣经，按照圣经所讲嘅噉样崇拜上帝，就表明我哋接受上帝嘅统治。（约翰福音4:23）我哋好似耶稣噉样唔参与政治同战争，就表明我哋拒绝撒但嘅统治。 请读约翰福音17:14

撒但用佢嘅能力引诱人做各种坏事，包括性不道德同其他恶习。如果我哋选择唔做呢啲事，家人同朋友可能会取笑我哋，反对我哋。（彼得前书4:3,4）我哋会选择点样做呢？会唔会选择同爱上帝嘅人做朋友呢？会唔会谨守上帝充满智慧同爱心嘅圣经原则呢？撒但讲过，人如果面对压力，就唔会听上帝嘅话。如果我哋面对压力仍然选择做啱嘅事，就可以证明撒但系错嘅。 请读哥林多前书6:9,10；15:33

上帝好爱我哋，佢保证会消除罪恶，唔会俾我哋再受苦。如果我哋相信上帝，接受佢嘅统治，就可以永远喺地上快乐噉生活。 请读约翰福音3:16