«Jach jatsʼuts le baʼaxoʼob t-ilaj le ka t-xíimbaltaj Beteloʼ. Mix bikʼin ken k-tuʼubse.» Bey tu yaʼalil juntúul máak tiʼ u islail Vanuatu le ka tu xíimbaltaj yéetel u yatan le nukuch edificioʼob tuʼux ku meyaj u j-jaajkunajoʼob Jéeoba teʼ Estados Unidosoʼ. Yaʼab tiʼ le u milesil máakoʼob xíimbaltikoʼon cada jaʼaboʼ bey xan u yuʼubikubaʼoboʼ.

¿Techeʼ tsʼoʼok wa a xíimbaltik u Betelil Estados Unidos? Wa maʼeʼ, k-invitartikech ka taalakech.

Sede Mundial, Warwick, Nueva York. Óoxpʼéel museoʼob jeʼel a xíimbaltik ta juunaleʼ. Junpʼéeleʼ ku kʼaabaʼtik «Le Bibliaoʼ yéetel u kʼaabaʼ Dios». Teʼ jaatsaʼ tsʼaʼan úuchben Bibliaʼob yéetel ku tsoʼolol bix úuchik u kanáantaʼal maʼ u saʼatal u kʼaabaʼ Dios kex yaʼab máak tu yóotaj u luʼs teʼ Bibliaʼoboʼ. Uláakʼ junpʼéeleʼ ku kʼaabaʼtik «Junpʼéel kaaj bisik u kʼaabaʼ Jéeoba». Teʼelaʼ yaan a wilik bukaʼaj baʼaloʼob tsʼoʼok u beetik u j-jaajkunajoʼob Jéeoba desde úuchjeakil. U tsʼookeʼ ku kʼaabaʼtik «Le sede mundialoʼ: junpʼéel fe kuxaʼan». Teʼ jaatsaʼ ku tsoʼolol bix u múuchʼ meyaj u j-jaajkunajoʼob Jéeoba, bix u muchʼkubaʼob utiaʼal u kaanbaloʼob tiʼ le Bibliaoʼ, bix u kaʼanskoʼob uláakʼ máakoʼob yéetel bix u paklan yaabiltikubaʼob. Wa a kʼáat xaneʼ jeʼel u tsʼaʼabaltech junpʼéel gira ku xáantal 20 minutoseʼ. Teʼelaʼ yaan u yeʼesaʼaltech jujunpʼéel oficinaʼob yéetel uláakʼ tuʼux ku beetaʼal meyajoʼob utiaʼal le máaxoʼob yanoʼob Beteloʼ. Ku yeʼesaʼal xan le terreno tuʼux yaan le najoʼobaʼ.

Tuʼux ku yúuchul kaʼansaj, Patterson, Nueva York. Ojéelt tuʼux ku beetaʼal le jejeláas escuelaʼob jeʼex Escuela Bíblica tiʼ Galaad tiʼ le Watchtoweroʼ wa Escuela utiaʼal Miembros tiʼ Comités tiʼ Sucursal yéetel u Yatanoʼob. Jeʼel u páajtal xan a chaʼantik videoʼob tuʼux ku chíikpajal le meyaj ku beetaʼal tu departamentoil Arte, Audio/Video yéetel Servicio.

Tuʼux ku imprimirtaʼal yéetel tuʼux ku túuxtaʼal jóoʼsaʼaniloʼob, Wallkill, Nueva York. Ken taalakecheʼ jeʼel u yeʼesaʼaltech bix u beetaʼal Bibliaʼob yéetel uláakʼ jóoʼsaʼaniloʼob ku tʼaanoʼob tiʼ le Bibliaoʼ. Ilawil bix túuxtaʼal tiʼ le múuchʼuliloʼob yaan Estados Unidosoʼ, le yanoʼob teʼ Mar Caribeoʼ bey xan tuláakʼ tuʼuxoʼob yóokʼol kaab.

Antes a chʼaʼtuklik baʼax kʼiin a bineʼ unaj a tsʼáaik k-ojéelt u fechail. Utiaʼal lelaʼ ookkech a wil le jaats Xíimbaltoʼon teʼ sucursaloʼoboʼ. Teʼelaʼ ku yaʼalaʼal u direccionil u beteliloʼob Estados Unidos yéetel bukaʼaj ku xáantal cada gira.

Letiʼe máaxoʼob ku meyajoʼob Betel tiʼ jejeláas departamentoʼob eʼesik le edificioʼoboʼ. Ken u beetoʼobeʼ u yojloʼob láayliʼ táan u táakpajloʼob tiʼ u meyajil u kaʼansaʼal u Tʼaan Dios tiʼ tuláakal yóokʼol kaab. Ich yaʼab idiomaʼob jeʼel u tsoʼolol tiʼ máak baʼax ku beetaʼal teʼeloʼ.

Mix baʼal ken a boʼote.

Maʼ. Yaʼab tiʼ le máaxoʼob ku taaloʼob xíimbaloʼ maʼ j-Jaajkunajoʼobiʼ. Tuláakal máak, kex j-Jaajkunaj wa kex maʼeʼ, jeʼel u páajtal u maas ojéeltik baʼax táan u beetaʼal utiaʼal u seguer u meyaj u j-jaajkunajoʼob Jéeoba tiʼ tuláakal yóokʼol kaabeʼ.

Juntúul koʼolel musulmana kajaʼan tu luʼumil Indiaeʼ taal u xíimbaltoʼon Patterson. Ka tsʼoʼokeʼ tu yaʼalaj: «Kexiʼ ka páajchajak in múul meyaj ta wéeteleʼexeʼ. Diosboʼotik úuchik a weʼeskeʼexten utsul modos».

Jeʼeleʼ. U taasaʼal mejen paalal wayeʼ jach jeʼel u taasik utsil tiʼobeʼ. John, juntúul u kajnáalil Estados Unidos taal xíimbaleʼ, tu tsʼíibtaj: «Le paalal binoʼob t-éeteloʼ desde ka kʼuchoʼon t-otocheʼ maʼ tu xuʼulul u tʼaanoʼob tiʼ baʼax tu yiloʼob Beteloʼ. Kaʼacheʼ maʼ u yojloʼob bix le meyaj ku beetaʼal Beteloʼ, baʼaleʼ beoraaʼ hasta u kʼáatoʼob bin meyajiʼ».

Jeʼel u páajtaleʼ. Tiʼ yaʼab luʼumoʼobeʼ jeʼel u páajtal u xíimbaltaʼal le sucursaloʼob wa oficinaʼoboʼ. Utiaʼal a kaxtik junpʼéel direccioneʼ ilawil le táan juʼun «Xíimbaltoʼon teʼ sucursaloʼoboʼ». Toʼon u j-jaajkunajoʼon Jéeobaeʼ yaan k-kʼamkech yéetel kiʼimak óolal ken taalakech a xíimbalt le sucursaloʼob wa oficinaʼob yaantoʼonoʼ.