Ku yáantaʼal le paalaloʼob u kanáantubaʼob teʼ escuelaoʼ
Maʼ sen úucheʼ junpʼéel organización yaan Inglaterraeʼ tu kʼubaj le premio Diana tiʼ juntúul chan xiʼipal de 10 años ku kʼaabaʼtik Hugo, tumen tu yeʼesaj tiʼ u yéet xookoʼob baʼax unaj u beetkoʼob ken maltratartaʼakoʼob tumen u yéet paaliloʼob, wa ken beetaʼaktiʼob buulin (bullying).
Hugoeʼ tu yaʼalaj: «Baʼax áanten in ganart le premioaʼ letiʼe video Defendertaba sin ke a sutik u jeeloʼ. Yoʼolal le baʼax tin kanaj teʼ video tsʼaʼan jw.org, bejlaʼeʼ in wojel bix jeʼel in wáantik le paalaloʼob ku beetaʼal buulin tiʼoboʼ».
Le buulinoʼ u kʼáat u yaʼaleʼ u maltratartaʼal le paalaloʼob tumen u yéet xookoʼoboʼ. «Bey u beetaʼal sáamsamal tiʼ le paalaloʼob tiʼ tuláakal yóokʼol kaaboʼ. [...] Baʼaleʼ yaan baʼax jeʼel u páajtal a beetkeʼ.» (Bey u yaʼalik le video Defendertaba sin ke a sutik u jeeloʼ)
Hugoeʼ tiʼ u maestroʼob tu yáax eʼesaj le video Defendertaba sin ke a sutik u jeeloʼ. Como jach jatsʼuts tu yililoʼob le videooʼ tu beetoʼob baʼax kʼaʼabéet utiaʼal ka páajchajak u yokol tuláakal le paalaloʼob teʼ kúuchil jw.org. Bejlaʼeʼ yaʼab u yéet xookoʼob Hugoeʼ suuk u yookloʼob jw.org. Le mejen paalaloʼob de ocho wa tak diez añosaʼ ku yaʼalikoʼobeʼ maʼ chéen tu kanoʼob teʼ video baʼax jeʼel u beetkoʼob ken beetaʼak buulin tiʼoboʼ, tu kanoʼob xan bix jeʼel u kaxtikoʼob maʼalob amigoʼobeʼ.
Kaʼansaʼab tiʼ le paalaloʼob baʼax unaj u beetkoʼob utiaʼal u kanáantkubaʼoboʼ
Tiʼ uláakʼ escuela teʼ Inglaterraoʼ, juntúul chan xiʼipal de 8 años ku kʼaabaʼtik Elijaheʼ ku beetaʼal xan buulin tiʼ. Le oʼolal tu chaʼantaj yéetel u láakʼtsiloʼob le video Defendertaba sin ke a sutik u jeeloʼ, tsʼoʼoleʼ tu ensayartoʼob baʼax jeʼel u yaʼalik wa u beetik ken molestartaʼakeʼ. Le áant utiaʼal maʼ u chʼaʼik saajkil teʼ escuelaoʼ. Ka máan kʼiineʼ, tiʼ junpʼéel semana yéeyaʼab utiaʼal u yúuchul tʼaan tiʼ bix jeʼel u xuʼulul u beetaʼal buulineʼ, u maestroeʼ tu tsʼáaj le video utiaʼal u chaʼantaʼal tumen tuláakal le paalaloʼoboʼ.
U jaajileʼ maʼ chéen Inglaterra suuk u maltratartaʼal le paalaloʼob tumen u yéet xookoʼoboʼ; leloʼ tuláakal tuʼux ku yúuchul. Baʼaleʼ le video Defendertaba sin ke a sutik u jeeloʼ, táan u yáantik le paalaloʼob tiʼ tuláakal yóokʼol kaaboʼ.
Teʼ Estados Unidosoʼ Ivieʼ, juntúul chan x-chʼúupal de 10 añoseʼ, sajak tiʼ uláakʼ juntúul chan x-chʼúupal tumen ku maltratartaʼal. Ka tsʼoʼok u chaʼantik le video Defendertaba sin ke a sutik u jeeloʼ, Ivieʼ xuʼul u sajaktal. Tʼaanaj yéetel u maestra utiaʼal u yutskíintik le problemaoʼ. Ka tʼaanaj xan yéetel le uláakʼ juntúul chan x-chʼúupaloʼ kʼáataʼab perdón tiʼ. Bejlaʼeʼ maʼalob u biskubaʼob.
Toʼon u j-jaajkunajoʼon Jéeobaeʼ jach k-kʼáat áant le paalaloʼoboʼ. Le oʼolaleʼ yaan u seguer k-beetik publicacionoʼob jeʼel u yáantkoʼob yéetel le problemaʼob ku yantal sáamsamal, jeʼex le buulinoʼ.
Maʼ xaaneʼ jeʼel u yutstal xan ta wicheʼ
DIBUJOʼOB KU PÉEKOʼOB
Defendertaba sin ke a sutik u jeel
Ilawil baʼax jeʼel a beetik wa yaan máax maltratarkecheʼ.
DIBUJOʼOB KU PÉEKOʼOB
Maʼ a chaʼik a suʼusutaʼal tumen u maasil
Wa ka beetik le kanpʼéel baʼaloʼobaʼ maʼ ten a chaʼa a suʼusutaʼal tumen u maasil.