KʼAAY 151
Jéeoba kun kaʼa kuxkíintikoʼob
-
1. Le kuxtal yaan tiʼ toʼonoʼ jach jatsʼuts,
bey jeʼex junpʼéel chan looleʼ.
Baʼaleʼ k-ojel kéen xuʼulukeʼ mantatsʼ
ku yaatal yóol k-puksiʼikʼal.
¿Yaan wa k-kaʼa ilik máax jach k-yaabiltmaj?
Uʼuy baʼax kiaʼaliktoʼon Jéeoba:
(CORO)
«Teneʼ yaan in kaʼa kuxkíintkoʼob
tumen jach in yaabiltmoʼob.
Teneʼ maʼatech in tuʼubskoʼob,
jach kin tsʼíiboltkin wilkoʼob».
Yaan k-kaʼa méekʼikoʼob mun xáantal,
yaan k-tsikbal tu yéeteloʼob.
Kéen kaʼa kuxkíintaʼakoʼobeʼ
mix bikʼin kun kaʼa binoʼob.
-
2. Tu táan Letiʼeʼ, juntúul máax kimeneʼ
táan u wenel junsúutuk.
Mun xáantaleʼ Jéeobaeʼ yaan u yajsik
le máaxoʼob yaabiltmoʼoboʼ.
Yaan u líiʼsikoʼob yéetel yaan k-okʼol,
baʼaleʼ tumen kiʼimak k-óol.
(CORO)
«Teneʼ yaan in kaʼa kuxkíintkoʼob
tumen jach in yaabiltmoʼob.
Teneʼ maʼatech in tuʼubskoʼob,
jach kin tsʼíiboltkin wilkoʼob».
Yaan k-kaʼa méekʼikoʼob mun xáantal,
yaan k-tsikbal tu yéeteloʼob.
Kéen kaʼa kuxkíintaʼakoʼobeʼ
mix bikʼin kun kaʼa binoʼob.
(Ilaʼak xan Juan 6:40; 11:11, 43; Sant. 4:14.)
