KʼAAY 10
¡Kiʼikiʼtʼant Jéeoba!
-
1. ¡Tsʼáa tiʼ Dios le nojbeʼeniloʼ!
¡Kiʼikiʼtʼant u kʼaabaʼ Jéeoba!
Xeen a waʼal tiʼ tuláakal máak
naatsʼ yanil le túumben kuxtaloʼ.
Jach taʼaytak u taal le Rey Jesusoʼ,
yaan u taasik yaʼab utsiloʼob.
Le oʼolaleʼ xeen a kʼaʼayt u Tʼaan Dios
tiʼ tuláakal le máakoʼoboʼ.
(CORO)
¡Yéetel kʼaay, kiʼikiʼtʼant Jéeoba!
¡Bis u kʼaabaʼ tiʼ tuláakal máak!
-
2. ¡Tsʼáa tiʼ Dios le nojbeʼeniloʼ!
¡Kiʼikiʼtʼant Jéeoba yéetel kʼaay!
Xeen a waʼal tiʼ tuláakal máak
jach jatsʼuts le baʼax u beetmajoʼ.
Mu jáawal a waʼalik tiʼe máakoʼoboʼ
naʼan uláakʼ dios jeʼex Jéeobaoʼ.
Letiʼeʼ ku kanáantik u tamanoʼob,
mix bikʼin ken u xúumpʼattoʼob.
(CORO)
¡Yéetel kʼaay, kiʼikiʼtʼant Jéeoba!
¡Bis u kʼaabaʼ tiʼ tuláakal máak!
(Ilaʼak xan Sal. 89:27; 105:1; Jer. 33:11.)