JW LIBRARY
Meyajnaktech le marcadoresoʼ (Android)
Teʼ JW Libraryoʼ jeʼel u páajtal a marcartik tuʼux náak a xook tiʼ junpʼéel publicacioneʼ. Tiʼ cada junpʼéel publicacioneʼ jeʼel u páajtal u meyajtech 10 u pʼéelal marcadoreseʼ.
Teʼelaʼ yaan k-áantkech utiaʼal:
A tsʼáaik junpʼéel marcador
Jeʼel u páajtal a tsʼáaik junpʼéel marca tiʼ junpʼéel xook wa capítulo bey xan tiʼ junpʼéel xóotʼol wa versículo.
Wa a kʼáat a marcart junpʼéel xook wa capituloeʼ péetsʼkʼabt le botón Marcadores. Yaan u chíikpajal le jejeláas marcadores jeʼel u páajtal u meyajtechoʼ. Péetsʼkʼabt junpʼéel marcador maʼ meyajnaktech utiaʼal a tsʼáaik tuʼux náak a xook.
Wa a kʼáat a marcart junpʼéel xóotʼol wa versiculoeʼ yáax péetsʼkʼabt junpʼéel tʼaan, tsʼoʼoleʼ péetsʼkʼabt le botón Marcadores kun chíikpajal tu yóokʼoloʼ.
A kaxtik junpʼéel marcador
Wa a kʼáat a kaxt junpʼéel marcadoreʼ, jeʼekʼabt le publicación tuʼux a tsʼaamoʼ, ka a péetsʼkʼabt le botón Marcadores. Yéey le marcador ka kaxtikoʼ.
A luʼsik wa a péeksik le marcadoresoʼ
Le marcadores a tsʼaamoʼ jeʼel u páajtal a luʼsikoʼob wa a péeksikoʼobeʼ.
Utiaʼal a luʼsik junpʼéel marcadoreʼ, péetsʼkʼabt le botón Marcadores, tsʼoʼoleʼ ka péetsʼkʼabtik le botón Más yaan tu tséeloʼ, le de óoxpʼéel puntosoʼ. Péetsʼkʼabt Borrar.
Utiaʼal a péeksik junpʼéel marcadoreʼ, péetsʼkʼabt le botón Marcadores, tsʼoʼoleʼ ka péetsʼkʼabtik le botón Más yaan tu tséeloʼ. Péetsʼkʼabt Reemplazar. Le marcadoroʼ yaan u máan teʼ tuʼux ka xookoʼ. Lelaʼ jach maʼalob utiaʼal a marcartik tuʼux ku bin a xook tiʼ junpʼéel publicación wa tuʼux náakech tiʼ u xookil le Biblia sáamsamaloʼ.
Le baʼaxoʼob ku yaʼalaʼal teʼelaʼ tiaʼan teʼ JW Library 1.2 jóoʼsaʼab mayo tiʼ 2014, ku meyaj yéetel u versionil Android 2.3 wa uláakʼ maas túumben. Wa maʼ tu meyaj jeʼex u tsoʼolol teʼelaʼ, beet baʼax ku yaʼalik le xook «Meyajnaktech JW Library (Android)», yáanal le joʼol xook Túumbenkunse.
